محمد یوسف منګل

د کورنيو چارو وزارت لومړی مرستيال مولوي محمدنبي عمري وايي که د پاکستان حکومت په خپله خاوره کې د روانې ناامنۍ او جګړې مخه ونه نيسي، ښايي د افغانستان لپاره په جدي خطر بدل شي.

ناپېژاندو وسله‌والو د خوست په موسی‌خېلو ولسوالۍ کې د سعید ارمان په نوم یو ځوان وژلی دی.

د خوست د نادرشاه‌کوټ ولسوالۍ د ځني‌خېلو اړوند د څوۍ سيمې اوسېدونکي وايي، په سیمه کې یې د روغتیايي مرکز ترڅنګ ښوونځی هم نشته او ماشومان یې له زده‌کړو محروم دي.

د خوست امنیه قومانداني وایي، د دغه ولایت په اسماعیل‌خېلو مندوزیو ولسوالۍ کې ناپېژانده کسانو دوه تنه په ډزو وژلي دي.

د خوست امنيه قومانداني وايي چې د روان لمریز کال په اوږدو کې د دغه ولايت په مرکز او ولسواليو کې ۳۲۱ بېلابېلې جنايي پېښې شوې او په تړاو یې ۳۴۵ کسان نیول شوي دي.

خوست کې د دوو کورنيو ترمنځ خپل‌منځي شخړه کې يو ډاکټر وژل شوی او شپږ کسان ټپيان شوي دي.

ځايي مسوولين وايي، د خوست ښار پر بېلابېلو څلور لارو لګېدلي ترافيکي څراغونه فعال شول چې له مخې به يې تر يوه حده ترافیکي نظم رامنځته شي.

خوست کې د څه باندې ۱۳ ميليون افغانيو په لګښت د څښاک اوبو رسولو درې شبکې جوړې او ګټې اخیستنې ته وسپارل شوې.

په خوست کې د «زرغون خوست» په نوم د نيالګيو اېښودلو درې ورځنۍ مېله پيل شوه چې په ترڅ کې به يې په دغه ولایت کې زرګونه مثمر او غيرمثمر نيالګي کېښودل شي.

د خوست حکومتي مسوولين وايي چې د دغه ولايت د نفت او ګازو مديريت څو کارکوونکي او د تېلو پمپونو يو شمېر مالکان د مالي فساد په تور نيول شوي دي.

د خوست امنيتي مسوولين وايي، هغه دوه کسان یې نيولي چې څه موده وړاندې یې د نجونو د کورونو ترڅنګ هوايي ډزې کړې وې او له هغوی سره یې د کوژدن کېدو ادعا کوله.

د خوست د خوړو او درملو ادارې مسوولین وايي چې په تېرو پنځو میاشتو کې ۱۵۰۰ بورۍ بې‌کیفیته خوراکي او یوه اندازه نور توکي بېرته پاکستان ته ګرځول شوي دي.