خوست کې ناپېژانده وسله‌والو دوه کسان په ډزو وژلي

<p style="text-align: justify;">خوست ښار (پژواک، ۲۹ کب ۱۴۰۲): د خوست امنیه قومانداني وایي، د دغه ولایت په اسماعیل‌خېلو مندوزیو ولسوالۍ کې ناپېژانده وسله‌والو دوه تنه په ډزو وژلي دي.</p>

<p style="text-align: justify;">د خوست امنیه قوماندانۍ ویاند سمونیار طاهر احرار پژواک خبري اژانس ته وویل چې دغه پېښه تېره شپه د یادې ولسوالۍ په شبیخېلو کلي کې شوې ده.</p>

<p style="text-align: justify;">هغه د جزییاتو له ورکولو پرته وایي چې امنیتي کسان سېمې ته رسېدلي او په دې اړه یې پلټنې پيل کړي دي.</p>

<p style="text-align: justify;"> د هغه په خبره چې وژل شوي کسان د یادې ولسوالۍ د درلوميو سېمې اوسیدونکي دي.</p>

<p style="text-align: justify;"></p>