اسلامي امارت

د افغان سولې لپاره د امریکا پخوانی ځانګړی استازی وایي، پاکستان کې د نجونو پر زده‌کړو د اسلامي همکاریو سازمان د غونډې موخه له افغان ښځو سره خواخوږي نه، بلکې له ا.ا سره د روانې تبلیغاتي جګړې یوه برخه ده.

د ریاست‌الوزراء سیاسي مرستیال وايي، اسلامي امارت د خپل هېواد امنیت او ثبات د سیمې له امنیت او ثبات سره تړلی بولي او خپلې ملي ګټې د سیمې په امنیت کې ویني.

ډونالډ ټرمپ وایي، د امریکا میلیاردونه ډالر د افغانستان اوسني حکومت ته ورکول کېږي، خو ا.ا دغه ادعا ردوي، وایي، امریکا نه یوازې پیسې نه دي ورکړې، بلکې د افغانستان د خلکو میلیاردونه ډالر یې کنګل کړي دي.

د پاکستان د دفاع وزیر ادعا کړې چې د افغانستان د دفاع وزیر د ډیورنډ فرضي کرښې له څېرمه سیمو د ټي‌ټي‌پي د ایستلو لپاره له دوی د پیسو غوښتنه کړې، خو اسلامي امارت بیا د هغه دغه ادعا ردوي.

د ریاست‌الوزراء سیاسي مرستیال وايي، له هيچا سره جګړه او دښمني نه غواړي خو د خپلې خاورې او خلکو ساتلو او ترې د دفاع مسوولیت لري.

د روسیې بهرنیو چارو وزارت د افغانستان او پاکستان ترمنځ وروستي کړکېچ ته اندېښن دی او له دواړو هېوادونو یې غوښتي چې له زغم کار واخلي او هڅه وکړي چې شته ستونزې د خبرو له لارې حل کړي.

د بهرنیو چارو وزارت سیاسي مرستیال وايي، تعلیم د یوه هېواد د پرمختګ مهمه وسيله او د اوسني عصر اړتيا ده، په همدې اساس اسلامي امارت د اسلامي شريعت په اډانه کې د دیني او عصري علومو پراختیا او پیاوړتیا ته ژمن دی.

د افغانستان بهرنیو چارو وزارت وايي چې اسلامي امارت په غزه کې د کمال عُدوان پر ملکي روغتون بريدونه غندي او د نړۍ او سيمې پر بانفوذه هېوادونو غږ کوي چې د دغو وحشتونو مخنیوي ته دايمي حل‌لار پیدا کړي.

د اسلامي امارت د سیاسي کمېسیون ناسته کې ټینګار شوی چې افغانستان د یوه خپلواک هېواد په توګه د خپلو خلکو او خاورې ساتنې مسوولیت او د دفاع مشروع حق لري او اسلامي امارت په سیمه کې د ثبات او نظم غوښتونکی دی.

د ریاست‌الورزاء سیاسي مرستیال وایي، اسلامي‌ امارت په افغانستان کې هیڅ وسله‌والې ډلې ته د فعالیت اجازه نه‌ ورکوي او په خبره یې چې پر افغانستان د ناسمو تورونو لګول هم ګټه نه‌ لري، بلکې د اړیکو د خرابېدو او تاوتریخوالي سبب کېږي.

اسلامي امارت په غزني ولایت کې د تېرې شپې ترافیکي پېښو کې پر اوښتې مرګ‌ژوبلې خواشیني ښودلې او اړوندو ارګانونونه ته یې سپارښتنه کړې چې دواړه پېښې وڅېړي، علت یې معلوم کړي او د داسې ناورینونو د تکرار مخه دې ونیسي.

د ا.ا مشرتابه د چارو ادارې ریاست د سرپرست په مشرۍ پلاوي ته دنده سپارلې څو په افغانستان کې هغه ناسم دودونه تثبیت کړي چې هم د شریعت له مخې ناروا دي او هم یې خلک له امله ډېرو لګښتونو ته اړ کېږي.