انجې

اروزګان کې یو شمېر کروندګر وایي، په هېواد کې د نشه‌يي توکو پر کښت له بندیز وروسته یې د انجې کرلو ته مخه کړې او له حکومته غواړي چې محصولاتو ته یې بازار پیدا کړي.

بلخ کې د انجې د پلورونکو او صادروونکو اتحادیې مسوولین وایي چې سږ کال له دغه ولایته هند ته ۸۴۰ ټنه انجه صادره شوې چې د تېر کال په پرتله دوه برابره ډېروالی ښیي.

د هلمند د کرنې ریاست مسوولین وایي، د دغه ولایت په یو شمېر ولسوالیو کې کروندګرو تازه د انجې کرلو ته مخه کړې او زیاتوي چې د انجې ګټه د کوکنارو په نسبت درې برابره ډېره ده.

د بلخ کروندګر او سوداګر په دغه ولایت کې د انجې بوټو او شیرې بیې بې‌ساري ټیټېدو اندېښمن کړي او له حکومته غواړي چې د بازارموندنې برخه کې مرسته ورسره وکړي.

د سمنګان ولايت يو شمېر اوسېدونکي او کروندګر وايي، په دغه ولايت کې د انجې د بوټي کرکېله او ترویج زیات شوی، خو سږ کال په بازار کې د دغه بوټي د شیرې بيه د پام وړ ټيټه شوې ده.

د کندوز یو شمېر بزګر وايي، په وروستیو کلونو کې یې د انجې له درکه د ښه عاید ترلاسه کولو له امله د دغه بوټي کرلو ته وده ورکړې ده.

په غور کې ځيني کروندګر وايي، په دغه ولایت کې د هنګ یا انجې کرلو سره لیوالتیا ډېره شوې او دوی د کوکنارو پر ځای د دغه بوټي کرلو ته مخه کړې ده.

په کندهار کې په دې وروستیو کې کروندګرو د «انجه یا هنګ» په نوم د طبي بوټي – چې لاتیني نوم یې Ferula assa-foetida دی- کرلو ته په مسلکي ډول مخه کړې ده.