تخار

د امر بالمعروف،‌ نهې ‌عن‌المنکر او شکایتونو اورېدو وزارت وایي، د تخار ولایت په چال ولسوالۍ کې د دغه وزارت د محتسیبینو له لوري یوه معلوله نجلۍ د خپل ورور له بنده را خلاصه شوه.

د کلیو بیارغونې او پراختیا وزارت په تخار کې د څه باندې ۸۰ زره یورو په لګښت د اوبو رسولو یوې شبکې د جوړېدو خبر ورکړ.

عدلیې وزارت وايي، له دغه وزارت سره ثبت شوو خیریه بنسټونو د بغلان او تخار له سېلاب‌ځپلو سره ۵۶ میلیون افغانۍ مرسته کړې ده.

د افغانستان د صنعت او سوداګرۍ وزارت خبر ورکوي چې تخار کې د ۹ میلیون افغانیو په پانګونه د صابون تولیدولو یوه فابریکه پرانیستل شوه.

حکومتي مسوولین وايي چې په تخار کې یو وسله‌وال کس له امنیتي ځواکونو سره په نښته کې او په غزني کې یو بل کس په خپلمنځي شخړه کې وژل شوي دي.

د کورنيو چارو وزارت وايي چې امنیتي ځواکونو په تخار کې یوه نهه کلنه نجلۍ د تښتوونکو له منګولو ژغورلې او د تښتونې په تړاو یې دوه کسان هم نیولي دي.

د کورنیو چارو وزارت وایي، امنیتي کسانو په تخار کې یو کس چې له څلورو کلونو راهيسې یې  پلار د کور په يوه تياره خونه کې بندي ساتلی و، ازاد کړی دی.

د تخار امنیه قومانداني وايي چې د دغه ولایت په تالقان ښار کې د ګازنیونې له امله د یوې کورنۍ درې غړو ژوند له لاسه ورکړی، خو ځايي اوسېدونکي د مړو شمېر شپږ کسان بولي.

تخار کې امنیتي مسوولین وايي چې په تېرو دوه‌نیمو میاشتو کې په دغه ولایت کې د بېلابېلو جنایي جرمونو او تروریستي فعالیتونو په تور ۲۰۶ کسان نیول شوي دي.

تخار کې یوه ځوان د دغه ولایت په مرکز تالقان ښار کې د غالۍ‌اوبدنې یوه کارګاه جوړه کړې چې په کې ۴۰ ښځې پر کار بوختې دي.

تخار کې په لومړي ځل یوه خیریه بنسټ د عامې روغتیا ریاست په همغږۍ د لسګونو پرې شونډو او پرې تالو ماشومانو وړیا درملنه پیل کړې ده.

تخار کې د وچې مېوې یو شمېر پلورونکي او صادروونکي ګاونډیو هېوادونو ته د صادراتو له نشتوالي شکایت کوي او وایي چې له دوو کلونو راهیسې نورو هېوادونو ته د وچې مېوې صادراتو په برخه کې د هیڅ قرارداد شاهدان نه دي.