خلک

د پکتیکا د ارګون ولسوالۍ د «درې» یو شمېر اوسېدونکي شکایت کوي چې د سیمې سړکونه یې خامه دي، روغتیايي، ښوونیزو او مخابراتي خدمتونو او د څښاک پاکو اوبو ته هم بشپړ لاسرسی نه لري.

د کورنیو چارو وزارت سرپرست کونړ ته د سفر پر مهال د دغه ولایت له مسوولینو او قومي مشرانو سره په لیدنه کې ویلي چې خلک دې په زور نه، بلکې د فکر او پوهې له لارې د حق لور ته راوبلل شي.

د هېواد یو شمېر ولایتونو کې خلک د ټاپي، ټاپ، نوري فایبر او اوسپنې پټلۍ پروژو چارو پیل ته خوښ دي، وایي چې د دغو پروژو له پیل سره کارونه پیدا کېږي او د هېواد اقتصاد پرمختګ کوي.

د پکتیا د جاني‌خېلو ولسوالۍ خلک وايي چې په دې ولسوالي یوازې یو مخابراتي انتن دی او ډېر خلک یې مخابراتي خدمتونو ته لاسرسی نه لري.

د پکتیا یو شمېر اوسېدونکي وايي، د دغه ولایت په حوزوي روغتون کې درمل او بسترونه کم دي چې له امله یې دوی له ستونزو سره مخ دي.

د خوست د نادرشاه کوټ ولسوالۍ اړوند د ځيني‌خېلو سيمې اوسېدونکي په خپله سيمه کې د رغنيزو پروژو د پلي کېدو غوښتنه کوي.

د کونړ د شیګل ولسوالۍ د شینګش غرنۍ سیمې اوسېدونکي شکایت کوي چې روغتون او سړک نه‌لري او خپل ناروغانو د څارویو په واسطه د ولسوالۍ تر مرکزه رسوي.

د اروپایي ټولنې لوړپوړو چارواکو په بروکسل کې د افغانستان په تړاو غونډه کې له افغانانو سره پر بشري مرستو خبرې کړې دي. 

د غزني د جاغوري ولسوالۍ خلک د ۱۵ میلیون افغانیو په لګښت د زابل د خاک‌افغان ولسوالۍ خلکو ته د دوستي په نوم یو ښوونځی جوړوي.

د بلخ د کشندې ولسوالۍ اوسېدونکي وایي چې د ژوند له لومړنیو اړینو خدمتونو لکه برېښنا، روغتیایي مرکزونو، سړک او مخابراتو بې برخې دي او د څښاک اوبو ته هم لاسرسی نه لري.

د کونړ په نورګل ولسوالي کې د مزار درې سهیل تنګي سیمې اوسېدونکي وایي چې د دې سیمې روغتیایي مرکز له تېرو دوو میاشتو راهیسې د امکاناتو نشتوالي له امله تړل شوی او له حکومته ورته د پاملرنې غوښتنه کوي.

د فاریاب د خانچارباغ ولسوالۍ ځیني اوسېدونکي وايي، هر کال د اقینې له سوداګریز بندر او د دې ولسوالۍ د نورو عایداتي سرچینو له درکه‎ میلیاردونه افغانۍ عواید د دولت خزانې ته ځي، خو د سیمې خلک لومړنیو ښاري خدماتو ته هم لاسرسی نه لري.