خلک

د بلخ د شورتېپې ولسوالۍ اوسېدونکي وایي، که څه هم د امو سیند د تخریباتو مخنیوي لپاره له دې مخکې استحکاماتي چارې ترسره شوې خو وايي، لا هم د سیند څپې د دوی ځمکي، کورونه او ژوند ګواښي.

د پکتیا د احمدخېلو او ډنډپټان ولسوالیو اوسېدونکي وايي چې د ژوند ډېرو لومړنیو اسانتیاوو ته سم لاسرسی نه لري او له حکومته غواړي چې ستونزو ته یې رسېدنه وکړي.

د کونړ د مرکز اسعداباد ښار یو شمېر اوسېدونکي شکایت کوي چې په ښار کې د ډېرې ګڼې‌ګوڼې او بې‌نظمۍ له امله نه شي کولای خپلو ورځنیو چارو ته سمه رسېدنه وکړي.

د کډوالۍ نړۍوال سازمان (IOM) په یوه راپور کې ویلي چې تېر ميلادي کال په افغانستان کې له نیم میلیون ډېر خلک د اقلیمي بدلونونو له امله د رامنځته شوو پېښو په پایله کې بې‌ځایه شوي دي.

د پکتيا د شواک ولسوالۍ اړوند د شبک‌خېلو درې اوسېدونکي وايي چې د روغتيا، پوهنې او مخابراتي خدمتونو برخو کې له ګڼو ستونزو سره مخ دي.

د کابل ښار یو شمېر اوسېدونکي د دغه ښار په ځینو ساحو کې له غږیزې ککړتیا شکایت کوي او له اړوندو ادارو غواړي چې مخه یې ونیسي.

د پکتیا یو شمېر خلک وايي چې په دې ساړه ژمي کې د سون‌لرګیو بیې لوړې شوې او دوی یې د پېرلو وس نه لري.

د پکتيکا د شکین ولسوالۍ يو شمېر اوسېدونکي وايي چې د روغتیا، پوهنې، مخابراتو، پاکو او نورو برخو کې له ګڼو ستونزو سره مخ دي.

د بدخشان یو شمېر اوسېدونکي د دغه ولایت د حلقوي سړک او د یو شمېر ولسوالیو مواصلاتي لارو له خرابوالي شکایت کوي او له حکومته غواړي چې د جوړولو لپاره یې اقدام وکړي.

د غزني یو شمېر اوسېدونکي وايي چې په دغه ولایت کې د هوا له سړېدو سره په بازار کې د سون لرګي کم شوي او بیې یې لوړې شوې دي.

سرپل کې مسوولین وايي چې په تېرو لسو میاشتو کې د دغه ولایت خلکو د ښوونځیو او مدرسو جوړېدو برخه کې له معارف سره څه باندې ۱۱ جریب ځمکه او ۱۹ میلیون افغانۍ مرسته کړې ده.

د کونړ او نورستان ولایتونو یو شمېر اوسېدونکي وايي، وروستیو ورښتونو د اسعداباد – پارون لویې لارې ډېرې برخې زیانمنې کړې چې بیارغونې ته جدي اړتیا لري.