درمل

د هلمند د مرکز لښکرګاه ښار په سردار ګل‌محمد خان صنعتي ښارګوټي کې د ۳۰ میلیون افغانیو په لګښت د درمل جوړولو یوه کارخونه جوړه او فعالیت یې پیل کړ.

د ننګرهار ولايت چارواکي وايي، په تورخم دروازه کې د هغو ‎ درملو د رالېږد مخه نيول شوې چې بې‌کیفیته وو او قانوني اسناد یې هم نه درلودل.

د ماشومانو ژغورنې سازمان اعلان کړی چې د ۴۰۰ ماشومانو په ګډون د ۶۷۵ زره هغو کسانو درملنې په‌موخه چې پر خطرناکو خو د مخنیوي وړ ناروغیو اخته دي، ۹۲ ټنه درمل افغانستان ته وارد شوي.

تېره ورځ د کندهار د عامې روغتیا ریاست له لوري د درې‌نیم میلیون افغانیو په ارزښت ۵۰ ټنه تاریخ‌تېر او بې‌کیفیته درمل سوځول شوي دي.

ډاکټران وايي، د اسکاریس مخنیوي لپاره چې ماشومانو کې د چینجیو یو عام عفونت دی، د شخصي او چاپېریالي حفظ‌الصحې مراعتولو ترڅنګ باید هرو شپږو میاشتو کې یو ځل ماشوم ته د چینجیو ضد درمل ورکړل شي.

نیمروز کې سیمه‌ییزې سرچینې په دغه ولایت کې د درې ټنه بې‌کیفیته او تاریخ‌تېرو خوراکي توکو او ۱۵ کارتنه درملو له سوځولو خبر ورکوي.

د پنجشېر عامې روغتیا ریاست په دغه ولایت کې د شپږ ټنه تاریخ‌تېر او بې‌کیفیته درملو له سوځولو خبر ورکوي.

د افغانستان د خوړو او درملو ملي ادارې د روان لمریز کال په اوږدو کې ۸۳۵ ټنه تاریخ تېر او بې‌کیفیته خوراکي توکي او درمل راټول کړي او له منځه وړي دي.

د کونړ د عامې روغتيا رياست وايي چې نن يې په دغه ولایت کې نهه ټنه راټول شوي تاریخ تېر درمل او خوراکي توکي سوځولي دي.

د هلمند ولایت ځایي مسوولین وایې ، چې په ګرمسېر ولسوالۍ کې یې شپږ درملتونونه او د خوراکي توکو پلورنځي وتړل او پنځه ټنه تاریخ تېر توکي یې وسوځول.

د خوړو او درملو ملي اداره وایي، افغانستان کې دا مهال ۵۸ کارخونې ۵۵۰ قلمه درمل تولیدوي خو بیا هم تېر کال هېواد ته د نږدې ۷۶۸ میلیون ډالرو په ارزښت درمل وارد شوي دي.

. . .