سرپل

سرپل کې د پوهنې مسوولین وايي، د دغه ولایت په سانچارک ولسوالۍ کې د یوه سوداګر له خوا د سل زره ډالرو په لګښت یوه ښوونځي ته ودانۍ جوړه او ګټې اخیستنې ته وسپارل شوه.

سرپل کې امنیتي مسوولین وايي، د دغه ولایت په صیاد ولسوالۍ کې یو ځوان وژل شوی او په تړاو یې د هغه مېرمن نیول شوې ده.

د سرپل والي محمدیعقوب عبدالرحمن اکه د دغه ولایت د قشقري له نفتي څاګانو د لیدنې پر مهال ویلي چې د دغو څاګانو استخراج په ورځ کې له ۶۵۰ څخه ۹۰۰ ټنو ته لوړ شوی دی.

د سرپل یو شمېر کروندګر د تېر کال په نسبت د پنبې د بیې پنځوس سلنه ټیټوالي له امله اندېښمن دي، خو د کرنې ریاست مسوولین وايي، د دغه ولایت د پنبې لپاره د بازار پیدا کولو په هڅه کې دي.

سرپل کې د یوه ملي سوداګر په مالي مرسته د ۱۰۰ جوړو ګډ واده مراسم د حکومتي مسوولینو، دیني عالمانو او د دغه ولایت د ځینو اوسېدونکو په حضور کې ترسره شول.

سرپل کې ځايي مسوولین وایي د دغه ولایت په سوزمه‌قلعه ولسوالۍ کې د سېلاب راوتلو له امله یوه ښځه او یو ماشوم مړه شوي دي.

سرپل کې مسوولین وایي، په دغه ولایت کې یوه نجلۍ وژل شوې او یوه بله له ځان‌وژنې ژغورل شوې ده.

د سرپل ځایي مسوولینو د دغه ولایت په سانچارک ولسوالۍ کې د اووه میلیون او ۷۰۰ زره افغانیو په لګښت د دوو ټولګټو پروژو د چارو د پیل خبر ورکړی دی.

د سرپل بزګر په دغه ولایت کې د پیازو بیو بې‌ساري ټیټېدو اندېښمن کړي او له حکومت غواړي چې له دوی سره د بازارموندنې او د لویو سړو خونو جوړولو په برخه کې مرسته وکړي.

د سرپل اطلاعاتو او کلتور ریاست کې مسوولین وايي، د دغه ولایت په کوهستاناتو ولسوالۍ کې لس نوې لرغونې ساحې وپېژندل شوې.

د اوبو او انرژۍ وزارت سرپرست ملا عبداللطیف منصور سرپل ته په خپل سفر کې ویلي، له تخنیکي سروې وروسته به په دغه ولایت کې د ۲۰۰ میلیون امریکايي ډالرو په لګښت د سلطان ابراهیم درې بند د جوړولو عملي چارې پیل شي.

د سرپل والیبال سیالیو ټورنمنټ چې دوه میاشتې مخکې د غوره څېرو پېژندلو په موخه پيل شوی و، د یاد ولایت سوزمه‌قلعه ولسوالۍ اتحاد لوبډلې په اتلولۍ پای ته ورسېد.