سرپل

د بغلان په ډنډغوري ولسوالۍ کې د ۱۸ او د سرپل په مرکز کې د اتو لوبډلو ترمنځ د ټېب‌بال کرکټ سیالۍ پای ته ورسېدې.

د سرپل امنیتي مسوولین وايي چې د دغه ولایت په صیاد ولسوالۍ کې یوه ځوان ځان‌وژنه کړې ده.

د سرپل سیمه‌ییز مسوولین وايي چې د دغه ولایت په سیداباد ولسوالۍ د قومي مشرانو او ځايي مسوولینو په مڼځګړي‌توب د درېیو کورنیو ترمنځ ۴۰ کلنې شخړې ته د پای ټکی کېښودل شو.

د سرپل د والیبال ټورنمنټ چې له مرکز او ولسوالیو د شپږو ټیمونو په ګډون پیل شوی و، د سرپل د ښاروالۍ ټیم په اتلولۍ او د کوهستانات ولسوالۍ د الجهاد ټیم په نایب اتلولۍ پای ته ورسېد.

سرپل کې یو شمېر کروندګر د پیازو د بیې ټیټوالي له امله اندېښنه څرګندوي او وايي، حکومت دې له ګاونډیو هېوادونو څخه د پیازو د وارداتو مخه ونیسي او یا دې د دغه محصولاتو پر وارداتو ګمرکي تعرفه لوړه کړي.

د سرپل امنیتي مسوولین وایي چې د دغه ولایت د صنعت او سوداګرۍ ریاست د انسجام امر د انسان‌تښتوونکو له منګلو ازاد شوی او په دې تړاو لس کسان نیول شوي دي.

د کندهار په پنجوایي ولسوالۍ کې یوه ځوان او د سرپل په ګوسفندې ولسوالۍ کې یوې ښځې ځان وژنه کړې ده.

سرپل کې د کرنې ریاست مسوولین وايي چې تېر کال ژمي کې د سړې هوا له امله په دغه ولایت کې سږ کال د چهامغزو حاصلات نږدې ۳۰ سلنه کم شوي، خو سرپل کې بڼوال او بزګر د کرنې او بڼوالۍ د مېکانیزه کولو غوښتنه کوي.

ځایي سرچینې وايي چې د بلخ په مرکز مزارشریف ښار کې سلګونه لېتر الکولي مشروبات کشف او ضبط شوي او بلخوا سرپل کې د ۷۵۰ کیلوګرامه کاسټیک د قاچاق مخنیوی شوی او د دواړو پېښو په تړاو څلور کسان نیول شوي دي.

د سرپل امنیه قومانداني وايي چې نامعلومو کسانو د دغه ولایت د مرکز په مربوطاتو کې یو سپین‌ږیری د چاقو په ګزارونو وژلی دی.

د سرپل امنیه قومانداني وايي چې د دغه ولایت په سنچارک ولسوالۍ کې د لاسي بم چاودنې له امله یو ماشوم مړ شوی او دوه نور ټپیان دي.

سرپل کې ځايي مسوولین وايي چې د دغه ولایت د کوهستانات ولسوالۍ سړک د ۶،۵ کیلومتره برخې د جغل‌اچونې او هوارکارۍ چارې د اووه‌نیم میلیون افغانیو په لګښت بشپړې او ګټې اخیستنې ته وسپارل شوې.