شخړه

د کابل ښار پنځمې ناحیې اړوند سیمه کې د ماشومانو پر سر شخړه کې یو کس وهل ډبول شوی او وروسته یې په روغتون کې ساه ورکړې؛ امنیه قومانداني وایي، د پېښې عاملین نیول شوي دي.

د فراه ښار د لومړۍ امنیتي حوزې اړوند مهاجرینو سیمه کې نن سهار د دوو کورنیو ترمنځ شخړه کې دوه کسان وژل شوي او یو بل ټپي دی.

هلمند کې سیمه‌ییزمسوولین وایي چې د دغه ولایت ګرشک ولسوالۍ کې د دوو وروڼو ترمنځ د شخړې له امله ۱۸ کسان ټپیان شوي دي.

د میدان‌وردګو ولایت مقام وايي چې د دغه ولایت سیداباد ولسوالۍ اړوندو کې د ځایي کوچیانو او د سیمې اوسېدونکو ترمنځ شخړه شوې چې له امله یې دوو وروڼو ژوند بایللی او پلار یې ټپي شوی دی.

نن سهار د فراه د مرکز اړوند باغ‌پل سیمه کې یوه کورنۍ کې د کاکا زامنو ترمنځ د میراث پر سر شخړه کې د دوو مېرمنو په ګډون درې کسان وژل شوي او یو بل ټپي دي.

د سرپل امنیه قومانداني وايي، د دغه ولایت په مرکز کې د څرځایونو پر سر شخړه کې یوولس کسان ټپیان شوي دي.

بدخشان کې ځايي مسوولین وايي، د دغه ولایت د کوف‌اب ولسوالۍ د «غزون» او «دراج» سیمو اوسېدونکو ترمنځ درې کلنه دښمني د ځايي مسوولینو او قومي مخورو په منځګړيتوب پای ته ورسېده.

بغلان کې امنیتي سرچینې وایي، د دغه ولایت په جلګې ولسوالۍ کې د دوو کورنیو ترمنځ شخړه کې دوه کسان وژل شوي او دوه نور ټپیان دي.

د اروزګان امنیتي مسوولین وایي، نن سهار په مرکز ترینکوټ کې د ځمکې پر سر شخړه کې یو کس په ډزو وژل شوی دی.

د راپورونو له مخې، د لوېدیځې افریقا په ګینه هېواد کې د فوټبال لوبې پر مهال د نندارچیانو ترمنځ شخړه کې شاوخوا ۱۰۰ کسان وژل شوي دي.

د اروزګان د امنیه قومانداني مسوولین وايي، نن د دغه ولایت هراوود ولسوالۍ کې د تره زامنو ترمنځ د ځمکې پر سر شخړه کې یو کس وژل شوی دی.

د نورستان امنيتي چارواکي وايي چې د دغه ولایت په وانټ‌وایګل ولسوالۍ کې د دوو کورنيو ترمنځ شخړه کې يو کس وژل شوی دی.