فلسطین

د امریکا د بهرنیو چارو وزیر قطر ته د خپل سفر په ترڅ کې د فلسطین له خلکو سره ۱۳۵ میلیون ډالر مرسته اعلان کړه.

د افغانستان د فوټبال له شلو کلونو کم‌عمره ملي لوبډله د اسیا ملتونو جام غوراوي سیالیو په لړ کې نن له فلسطین سره لوبه کوي.

د ملګرو ملتونو د کارپوهانو یوې ډلې له ټولو هېوادونو غوښتي چې په منځني ختیځ کې د سولې ټینګښت لپاره فلسطین هېواد په رسمیت وپېژني.

د راپورونو له مخې، د سلوانیا حکومت نن د هغې پرېکړې د تصویب اعلان کړی چې له مخې یې د فلسطین خپلواک دولت په رسمیت پېژندل کېږي.

د افغانستان د بهرنیو چارو وزارت د ناروې، ایرلنډ او اسپانیا هېوادونو له لوري د فلسطین په رسمیت پېژندلو پرېکړه یو مثبت ګام بللی دی.

د ناورې دولت اعلان کړی چې دغه هېواد غواړي فلسطین د یوه خپلواک هېواد په توګه په رسمیت وپېژني؛ له دې سره هم‌مهاله رسنیو راپور ورکړی چې ایرلنډ او اسپانیا به ډېر ژر فلسطین په رسمیت وپېژني.

د افغانستان د حج او اوقافو وزارت سرپرست په ترکیه کې د علماوو مشورتي غونډې ته په وینا کې له اسلامي نړۍ غوښتي چې فلسطین کې د جنایتونو پر وړاندې ګډ دریځ غوره او له فلسطینانو قاطع ملاتړ اعلان کړي.

د ملګرو ملتونو عمومي اسمبلې غړو په دغه سازمان کې د فلسطین بشپړ غړیتوب په غوڅ اکثریت تصویب کړ.

د راپورونو له مخې، ملګرو ملتونو امریکا کې د فلسطین ملاتړو له لاریون‌والو سره د پولیسو پر چلند اندېښنه ښودلې او لاریون‌والو د کلمبیا پوهنتون «هامیلتون» تالار ته په ننوتو د ويتنام جګړې يادونه تازه کړي دي.

د قطر بهرنیو چارو وزارت د امنیت شورا له خوا په ملګرو ملتونو کې د فلسطین بشپړ غړیتوب پرېکړه‌لیک پر نه تصویبېدو خواشیني څرګنده کړې او دغه کار یې د سیمې د سولې هڅو ناکامي بللې ده.

د راپورونو له مخې، د ملګرو ملتونو سازمان کې د فلسطین بشپړ غړیتوب په موخه د امنیت شورا له لوري د پرېکړ‌ه‌لیک چمتو شوې مسوده د امریکا په مخالفه رایه تصویب نه شوه.

راپورونه وايي چې سبا ته د ملګرو ملتونو امنیت شورا په دغه سازمان کې د فلسطین د بشپړغړیتوب په اړه رایه اچوي.