ماشومانو

د غزني امنیه قومانداني وايي چې د دغه ولایت په مرکز او اجرستان ولسوالۍ کې په دوو جلا پېښو کې دوو ماشومانو ژوند له لاسه ورکړی دی.

ځینې میندې وايي، پر زېړي د اخته ماشومانو کورنۍ درملنه اغېزناکه ده خو ډاکټران سپارښتنه کوي چې د کورنۍ درملنې پر ځای دې ناروغ ژر تر ژره ډاکټر ته یووړل شي، کنه د دماغي فلج لامل یې کېږي.

بغلان کې ځایي مسوولین وايي، په دغه ولایت کې د وروستیو سېلابونو له امله سلګونو ماشومانو ته روحي او رواني ستونزې پیدا شوې چې د هغوی درملنې ته د رسېدو په موخه یې هڅې پیل کړې دي.

فاریاب ولایت کې امنیتي ځواکونو د غزني د امنیه قوماندان زوی او خوریی له تښتوونکو ژغورلي او په تړاو یې نهه کسان نیولي دي.

افغاني سرې میاشتې ټولنې د سوري زړه ۱۶۹ ماشومانو درملنې په موخه له قطر سره یو هوکړه‌لیک لاسلیک کړی دی.

د کونړ د پوهنې ریاست مسوولین وایي، په دغه ولایت کې هغو ماشومانو ته چې ښوونځیو ته لاسرسی نه لري، د بېلابېلو ملي او نړۍوالو همکارو موسسو په همکارۍ سیمه‌ییز ټولګي جوړوي.

کندهار کې د تېرو جګړو پر مهال یتیم شوو ماشومانو ته د «دارالعرفان التربیة‌الایتام» په نوم خصوصي روزنتون جوړ شوی چې دا مهال په‌کې څه باندې ۲۰۰ یتیمان په زده‌کړو بوخت دي.

د زابل امنیتي مسوولین وایي، د دغه ولایت د شهر صفا ولسوالۍ په ارهډ مانده سیمه کې پر ماشومانو یوه پخواني ماین چاودنه کړې چې له امله یې یو ماشوم وژل شوی او پنځه نور ژوبل دي.

په خوست کې يو شمېر مېشت کوچيان وايي چې د ژوند د ګڼو نورو لومړنيو اسانتياوو نشتون ترڅنګ يې ماشومان ښوونځيو ته لاسرسی نه لري.

مسوولین وايي، د دایکنډي په لرو ‌پرتو سیمو کې د ۳۵۴ سیمه‌ییزو ښوونځیو په جوړېدو له زده‌کړو بې‌برخې شاوخوا لس زره ماشومانو ته د زده‌کړو زمینه برابره شوې ده.

سیمه‌ییز چارواکي وایي، د کندهار ولایت په معروف ولسوالۍ کې د راکټ یوې زړې مرمۍ چاودنې له امله درې ماشومان وژل شوي او دوه نور ټپیان دي.

ډاکټران وايي، د اسکاریس مخنیوي لپاره چې ماشومانو کې د چینجیو یو عام عفونت دی، د شخصي او چاپېریالي حفظ‌الصحې مراعتولو ترڅنګ باید هرو شپږو میاشتو کې یو ځل ماشوم ته د چینجیو ضد درمل ورکړل شي.