مرسته

د روغتیا نړۍوال سازمان وایي چې د کندهار میرویس روغتون سره یې د ۸۵ ټنه درملو او طبي تجهیزاتو مرسته کړې ده.

د خوړو نړۍوال پروګرام وايي چې د جرمني د اقتصادي همکارۍ او پراختیا وزارت له افغانستان سره د ۱۵ میلیون یورو مرسته کوي.

د خوړو نړۍوال پروګرام وايي چې روسیه په افغانستان کې د بشري مرستو په موخه د یو میلیون امریکایي ډالرو مرسته کوي.

د ننګرهار د کلیو بیارغونې او پراختیا ریاست وایي، د دغه ولایت په دوربابا او هسکه مېنه ولسوالیو کې یې له ۲۴۰۹ کورنیو سره د خوراکي توکو مرسته کړې ده.

د م.م د بشري مرستو همغږي‌کوونکی دفتر (اوچا) وايي، هسپانيه له اړو افغانانو سره د مرستې په موخه د افغانستان له بشردوستانه صندوق سره يو ميليون یورو مرسته اعلان کړه.

کورنیو چارو وزارت وایي، د اېټالیا سفیرې د دغه وزارت د نشه‌يي توکو پروړاندې د مبارزې له معین سره په لیدنه کې، افغانستان کې د کروندګرو لپاره د بدیل معیشت او  روږدو کسانو درملنې برخو کې د همکارۍ ډاډ ورکړ.

د اروزګان د عامي روغتیا ریاست مسوولین وایي، د ملګرو ملتونو د ماشومانو ملاتړ صندوق له لوري د دغه ولایت له ګڼ شمېر روغتیايي مرکزونو سره د ۸۵۰ زره امریکایي ډالرو په ارزښت د طبي وسایلو او درملو مرسته شوې ده.

اروپايي ټولنې اعلان کړی چې د لوږې پر وړاندې د اقدام سازمان په همکارۍ په غور، دایکنډي او بدخشان ولایتونو کې د زیانمنو ټولنو ملاتړ لپاره پنځه میلیون یورو مرسته کوي.

د سعودي عربستان د ملک سلمان خیریه بنسټ له افغاني سرې میاشتې ټولنې سره د ۱۵ میلیونه افغانیو په ارزښت د ۱۰۰ ټنه خُرما مرسته وکړه.

د ملګرو ملتونو د بشري مرستو همغږۍکوونکی دفتر(اوچا) وايي چې سویس د افغانستان د بشري مرستو له وجهي صندوق سره د ۱،۷ میلیون امریکایي ډالرو مرسته اعلان کړه.

د کرنې، اوبولګولو او مالدارۍ وزارت مرستیال وایي، هغه هېوادونه دې له افغانستان سره د بدیل کښتونو برخه کې مرسته وکړي چې د کوکنارو کښت او نشه‌يي توکو تولید له امله اغېزمن شوي دي.

د کډوالو ستونزو ته د رسېدنې کمېسیون وایي، د متحده عربي اماراتو ۱.۸ میلیون امریکایي ډالر نغدي مرسته د روژې میاشتې په مناسبت له بېلابېلو هېوادونو راستنو شوو کډوالو ته وېشي.