هېواد

لوګر کې حکومتي چارواکو د دغه ولایت د سیمه‌ییزو او ملي رسنیو له مسوولینو او خبریالانو سره په یوه ناسته کې وویل چې په هېواد کې د ازادو رسنیو فعالیت د ا.ا لپاره لویه لاسته‌راوړنه ده او دوی ژمن دي چې د خبریالانو ستونزو ته به رسېدنه کوي.

د افغاني سرې میاشتې ټولنې مسوولین وایي، د ۱۷ مېرمنو په ګډون ۳۵ رواني ناروغان له یو کلنې درملنې او رغېدو وروسته نن بېرته له خپلو کورنیو سره یوځای کېږي او اوس‌مهال د هېواد په اوو زونونو کې د رواني ناروغانو لپاره ځانګړي مرکزونه فعال دي.

د افغاني سرې میاشتې عمومي رئیس وايي چې ا.ا په ټول هېواد کې د بیارغونې پروژو ته لومړیتوب ورکړی او د همدې موخې پر بنسټ د یادې ټولنې لپاره په لوګر کې د شاوخوا ۲۰ میلیون افغانیو په لګښت د یوې نوې ودانۍ د جوړېدو کار پيل شو.

د اطلاعاتو او فرهنګ وزارت مسوولینو د کتاب نړۍوالې ورځې نمانځغونډه کې د مطالعې فرهنګ پر ترویج ټينګار وکړ ویې ‌ویل چې زرګونه کتابونه د پردیو د فرهنګ او د هغوی د استعماري ګټو عامولو لپاره راوارد شوي دي.

د ملي دفاع وزارت وايي چې د هېواد د هوايي ځواک او هوايي مدافعې له پوهنتون څخه لس پیلوټان له مسلکي، نظري او عملي زده‌کړو وروسته فارغ شول.

د افغانستان له ۱۹ کلنو د کم‌عمره ځوانانو کرکټ ملي لوبډله د ۲۰۲۶ کال نړۍوال جام سیالیو ته له لار موندې وروسته نن سهار بېرته هېواد ته راستنه شوه.

د افغانستان د اوبو او انرژۍ وزارت په راتلونکو درېیو ورځو کې د هېواد په یو شمېر سیندیزو حوزو کې د سختو ورښتونو او له امله یې د سېلابونو راتلو اټکل کړی دی.

د افغانستان د فوټبال فدراسیون وایي، سبا د درېیو زونونو په کچه د فوټسال سیالۍ په کابل، مزار او نیمروز ولایتونو کې پیلېږي.

د زونونو په کچه د «میرویس نیکه» په نوم د کرکټ درې ورځنۍ سیالۍ نن په کندهار او هلمند ولایتونو کې پیل شوې.

د اوبو او انرژۍ وزارت په راتلونکو دوو ورځو کې د هېواد د سیندیزو حوزو په ځینو سیمو کې د نسبتاً سختو ورښتونو او سېلابونو راوتلو د احتمال خبر ورکوي.

د ترافیک پولیسو عمومي ریاست وایي، د کوچني اختر په څلورو ورځو کې په ټول هېواد کې ۸۰ ترافیکي پېښې رامنځته شوې چې له امله یې ۳۰ کسانو ژوند له لاسه ورکړی او ۱۵۵ نور ټپیان شوي دي.

د ترانسپورټ او هوایي چلند وزارت سبا د هېواد په دوولسو ولایتونو کې د واورې او باران ورېدو، تالندې او برېښنا او سېلابونو راوتو اټکل کړی دی.