د اطلاعاتو او فرهنګ وزارت د ځوانانو چارو معین قاري محمدیونس راشد غزني ته په خپل سفر کې د دغه ولایت له ځوانانو سره ولیدل او په یوه غونډه کې یې د هغوی ستونزې او غوښتنې واورېدې.
د پاسپورټ لوی ریاست مشر وایي، د پاسپورټونو د وېش بهیر به د را روانې اونۍ د چهارشنبې په ورځ په ټول هېواد کې بېرته پیل شي.
د کرکټ ملي لوبډله د اماراتو له لوبډلې سره له سياليو وروسته نن بېرته هېواد ته راستنه شوه.
د هېواد مالیې وزارت وایي چې د افغانستان ګمرکونو په تاریخ کې یې په لومړي ځل د مالي کال په لومړیو ۱۱ میاشتو کې ۱۰۰ میلیارد افغانۍ له ګمرکونو راټولې کړې دي.
د ملګرو ملتونو د ماشومانو ملاتړ صندوق/ UNICEF وايي، د افغانستان په څلورو ختیځو ولایتونو ننګرهار، لغمان، کونړ او نورستان کې د ګوزڼ مخنیوي یا پولیو واکسین کمپاین پیل شو.
د افغانستان د چرګانو تولید او پروسس اتحادیې مسوولین وایي، د اقتصادي ستونزو، له بهره د چرګانو واردېدو او د خوراکي توکو بيو لوړېدو له امله په هېواد کې د چرګانو څه باندې ۵۶۰۰ فارمونه تړل شوي دي.
طبیعي پېښو ته د رسېدو په چارو کې د دولت وزارت وایي، په تېرو درېیو ورځو کې د هېواد په څلورو ولایتونو کې د طبیعي پېښو له امله اتو کسانو خپل ژوند لاسه ورکړی او ۲۸۸ کورونه بشپړ یا نیم تخریب شوي دي.
د کډوالو او بېرته راستنیدونکو چارو وزارت وایي، په تېرو دوو ورځو کې له ایرانه څه باندې درې زره افغان کډوال هېواد ته راستانه شوي دي.
د عامې روغتیا وزارت مسوولین وایي، په ټول هېواد کې شاوخوا ۲۳ زره کسان د سرطان پر ناروغي اخته شوي چې ۱۶ زرو یې تېر زېږدیز کال خپل ژوند له لاسه ورکړی دی.
د کورنیو چارو وزارت وایي، په تېر یوه کال کې د هېواد په کچه د انسانتښتونې ۱۲۰ پېښې ثبت شوې او د عاملینو پر ضد یې په بېلابېلو سیمو کې ۲۰۰ عملیات ترسره شوي دي.
تېره اونۍ امریکا د نجونو پر زدهکړو د محدودیتونو له امله د اسلامي امارت پر ځینو چارواکو د ویزو محدودیتونو ولګول او ځینو نړۍوالو سازمانونو وویل، افغانستان په اقتصادي، امنيتي او له فساد سره مبارزې برخو کې د پام وړ پرمختګونه کړي دي.
د افغانستان هواپېژندنې ریاست د هېواد په ۱۲ ولایتونو کې د شدید باران او واورې ورېدو د اټکل خبر ورکړی دی.
د احصایې او معلوماتو ملي اداره وایي، د برېښنایې پېژندپاڼو د وېش له پیله بیا تر اوسه څه باندې ۹ میلیون کسانو ته برېښنایي پېژندپاڼې وېشل شوې چې څه باندې پنځه میلیون نارینه او څه باندې ۴ میلیون یې ښځو ته دي.
د افغانستان د رېلپټلۍ اداره وايي، په تېره مرغومي میاشت کې د رېلپټلۍ له لارې څه باندې ۴۶۴ زره مټریک ټنه توکي هېواد ته وارد او څه باندې ۱۶ زره مټریک ټنه توکي بهر ته صادر شوي دي.
د عامې روغتیا وزارت چارواکي د هېواد په ۱۶ ولایتونو کې د ماشومانو د ګوزڼ یا پولیو ضد واکسین کمپاین د پیل خبر ورکوي.
د افغانستان د فوټبال ملي فدراسیون وایي، د هېواد د ساحلي فوټبال ملي لوبډله د اسیا د ملتونو جام او نړۍوال جام په سیالیو کې د ګډون لپاره تمرینات پيل کړي دي.
د افغانستان د رېلپټلۍ اداره وايي، په تېره لېندۍ میاشت کې د رېلپټلۍ له لارې څه باندې ۴۷۳ زره مټریک ټنه توکي هېواد ته وارد او څه باندې ۷ زره ټنه توکي بهر ته صادر شوي دي.
د ترافیکو عمومي ریاست وایي، په تېرو ۹ میاشتو کې د هېواد په کچه له ۱۳۱۴ څخه ډېرې ترافیکي پېښې ثبت شوې دي چې له امله یې نږدې درې زره کسانو ته مرګژوبله اوښتې ده؛ د ترافیکي پېښو تلفاتو دغه شمېر د تېر کال په پرتله زیاتوالی ښيي.
د کډوالو او بېرته راستنېدونکو چارو وزارت مرستیال وایي، په ایران کې څلوراړخیزه غونډه کې ګډون کوي او په دغه غونډه کې به په پاکستان او ایران کې د کډوالو ستونزو او په داوطلبانه ډول هېواد ته د هغوی د بېرته راستنېدو په اړه بحث او هوکړه وشي.
د ریاست الوزرا اقتصادي معاونیت وایي، د روان کال په اوو میاشتو کې د یو میلیارد او ۸۵ میلیون ډالرو په ارزښت توکي بهر ته صادر شوي او تمه ده چې د کال تر پایه د صادراتو کچه دوه میلیارد ډالرو ته ورسېږي.
پېښو ته د رسېدو په چارو کې د دولت وزارت د هېواد په ۱۹ ولایتونو کې د اورښت او سېلابونو راوتلو د اټکل خبر ورکړی دی.
د کډوالو او بېرته راستنېدونکو چارو وزارت وايي، په وروستیو دوو ورځو کې له ایرانه ۲۷۲۳ افغان کډوال بېرته هېواد ته راستانه شوي دي.
د کډوالو او راستنېدونکو چارو وزارت وايي، د روانې لړم میاشتې په وروستیو دوو ورځو کې له ایرانه څه باندې ۳۶۰۰ افغان کډوال هېواد ته راستانه شوي دي.
د عامې روغتیا وزارت وایي، نن د هېواد په ۲۲ ولایتونو کې د څلورو ورځو لپاره د پولیو ضد واکسین کمپاین پيل شو چې په لړ کې به یې نږدې شپږ میلیون ماشومان واکسین شي.
