پروژې

د لغمان د مرکز مهترلام ښاروالۍ مسوولین وایي، روان کال په دغه ښار کې د سل میلیون افغانیو په لګښت ۱۶ بېلابېلې رغنیزې پروژې پلې کوي چې ګڼ شمېر کسانو ته به په کې د کار زمینه برابره شي.

د اقتصاد وزارت وايي، تېر یو کال کې د غیردولتي موسسو له لوري دوه زره او ۱۹۴ بېلابېلې پروژې پلي شوې دي چې څه باندې ۲۰۰ زره کسانو ته یې د کار زمینه برابره کړې ده.

د فراه ښاروالۍ وايي چې د دغه ولایت په مرکز کې د ۹،۴ میلیون افغانیو په لګښت د ویالو جوړولو پروژې چارې پيل شوې.

د خوست ښاروالۍ له خوا د ۱۸،۵ ميليون افغانيو په لګښت د بيارغونې يوې پروژې چارې پيل شوې.

د ننګرهار اقتصاد ريیس وايي، تېر کال په دغه ولایت کې د کورنيو او بهرنيو موسسو له لوري د څه باندې ۷۶ ميليون امريکايي ډالرو په لګښت رغنیزې پروژې پلې شوې دي.

د لوګر پوهنې ریاست وایي چې د دغه ولایت په څرخ ولسوالۍ کې د نږدې شپږ میلیون افغانیو په لګښت د پوهنې اړوند درې رغنیزې پروژې ګټې اخیستنې ته وسپارل شوې.

د ریاست‌الوزراء اقتصادي معاونیت وايي چې د ملي تدارکاتو کمېسیون د شاوخوا پنځه میلیارد افغانیو په ارزښت ۱۲ پروژې منظورې کړې.

خوست ښار کې د ۶۶ ميليون افغانيو په لګښت د بيارغونې څلور پروژې بشپړې او ګټې اخيستنې ته وسپارل شوې او همدا ډول د ۲۱ ميليون افغانيو په لګښت د يوې بلې پروژې چارې پيل شوې.

خوست کې د ۳.۳ ميليون امريکايي ډالرو په لګښت د بيارغونې ۲۸ پروژې بشپړې او ګټې اخيستنې ته وسپارل شوې.

د افغانستان برېښنا شرکت وايي، جوزجان ولایت کې د آقچې پنځه‌ګونو ولسوالیو لپاره د بشپړې برېښنا رسونې پروژې چارې پیل شوې.

د ریاست‌الوزراء اقتصادي معاونیت وایي، د ملي تدارکاتو کمېسیون له لوري د شاوخوا څلور میلیارد افغانیو په ارزښت، د کابل – کندهار لویې لار د پاتې چارو بشپړولو په ګډون ۱۴ بېلابېلې پروژې منظور شوې.

د پکتیا د مرکز ګردېز ښاروال وايي چې روان کال د ښار پراختيا، داخلي سړکونو جوړولو، ښاري ښکلا او ښاريانو ته د نورو اسانتياوو برابرولو برخو کې ۳۸ پروژې پلې کېږي.