افغانانو

نړۍ‌وال بانک وایي، په تېرو نهو میاشتو کې د افغانستان واردات ۲۷ سلنه زیات شوي، صادرات یې نیم سلنه کم شوي او د بهرنیو اسعاو پر وړاندې د افغانۍ ارزښت په منځنۍ کچه څه باندې ۲۸ سلنه لوړ شوی دی.

د بهرنیو چارو وزارت وایي چې په مالیزیا کې د افغانستان سفارت په هلوځلو مېشتو افغانانو ته د پاسپورټونو د چاپ او وېش لړۍ پیل شوه.

د ایران کورنیو چارو وزیر ویلي، هېواد کې یې له افغانانو سره ناوړه چلند د غندي وړ او ناسم دی او تهران یې نه مني.

د پاکستان پلازمېنه اسلام‌اباد کې د دغه ښار پرمختیا ادارې له خوا د یو شمېر افغانانو کورونه نړول شوي دي.

د افغانستان په چارو کې د امریکا ځانګړي استازي توماس وېسټ د ملګرو ملتونو د بشري مرستو د همغږۍ ادارې له رییس سره په لیدنه کې ویلي چې دغه هېواد د افغانانو د حیاتي اړتیاوو پوره کولو لپاره تر ټولو لوی مرسته کوونکی هېواد دی.

سپینه ماڼۍ په افغانستان کې د جګړې پای ته رسېدو دوېمې کالیزې ته په اشارې وايي، نوره اړتیا نه وه چې د «ترهګرو» پر وړاندې د مبارزې لپاره په افغانستان کې پوځیان حضور ولري.

د افغانستان لپاره د بریتانیا سفارت ویلي چې دغه هېواد په روان میلادي کال کې د افغانستان د خلکو ملاتړ په موخه ۱۲۵ میلیون ډالر ځانګړي کړي دي.

د افغانستان لپاره د امریکا سفارت ویلي، د دغه هېواد د ولسمشر جوبایډن ادارې له پيله د روان کال د اګسټ تر لومړۍ نېټې يې نږدې ۳۴ زره افغان کډوالو ته د ځانګړې کډوالۍ ویزې ورکړې دي.

یو شمېر افغانانو نن د بلجیم په مرکز بروکسل کې ځکه لاریون کړی چې د پناه‌غوښتنې دوسیو ته یې منفي ځواب ورکړل شوی دی.

یوان‌ایچ‌سي‌ار ویلي، ۵.۶ میلیونه افغانان د کډوالو او کډوالۍ ته ورته حالت درلودونکو کسانو او ۲۹۵ زره نور د پناه‌غوښتونکو په توګه په بهرنیو هېوادونو کې اوسېږي او ۳،۲۵ میلیونه افغانان د افغانستان دننه بېځایه شوي دي.

د بهرنیو چارو وزارت سرپرست مولوي امیرخان متقي د ملګرو ملتونو له استازو سره په لیدنه کې ویلي چې نړۍواله ټولنه دې د بشري مرستو ترڅنګ د افغانستان د خلکو پر سوداګرۍ لګولي محدوديتونه لرې کړي.

اسلام‌‌اباد کې د افغانستان سفارت وایي، پاکستاني لوري ډاډ ورکړی، هغو افغان کډوالو ته به ډېر ژر خپل هېواد ته د تلو اجازه ورکړي چې تورخم کې بند پاتې دي.