Username or E-mail:
ایا له پژواک سره د ګډون حساب نه لرئ؟
د ګډون لپاره کښېکاږئ.
په داسې حال کې چې د اقلیمي بدلون له امله رامنځته شوې وچکالۍ افغانستان کې د اوبو زېرمو د کمښت لامل شوې، د سمنګان یو شمېر اوسېدونکي وايي، که په دغه ولایت کې د اوبو د کمښت ناورین ته رسېدنه ونه شي، دوی اړ دي خپلې سیمې پریږي.
د فاریاب ځيني قومي مشرانو په دغه ولایت کې د څښاک او کرنیزو اوبو د کمښت له امله اندېښنه ښودلې او خبرداری یې ورکړی، که د دهندرې بند کارونه بېرته پیل نه شي، خلک به له میمنې ښار او ځینو ولسوالیو څخه کوچېدو ته اړ شي.
د ننګرهار په سپينغر ولسوالۍ کې د اوبو رسولو شبکې يوې ذخیرې دېوال چپه کېدو له امله يو درې کلن ماشوم مړ شوی او مور يې ټپي شوې ده.
د زابل په مرکز کې د ۸،۴ میلیونه افغانیو په لګښت د دوو پروژو چارې بشپړې شوې، بلخوا په بغلان کې د اووه میلیون افغانیو په لګښت د درېیو فرعي سړکونو پخولو کار پيل شو.
د ننګرهار په روداتو ولسوالۍ کې د اوبو او برېښنا وزارت له لوري د ۱۰۹ ميليونه افغانيو په لګښت د اوبو رسولو ځینې پروژې بشپړې او ګټې اخیستنې ته وسپارل شوې.
د بغلان ولايت د دهنهغوري یو شمېر اوسېدونکي وايي، د نورو کلونو په پرتله سږکال په دې ولسوالۍ کې د څښاک اوبو ته د خلکو لاسرسی نور هم محدود شوی او له ستونزو سره مخ دي.
د کونړ سرکاڼو ولسوالۍ اړوند د بحراباد او شونکړۍ سیمو یو شمېر اوسېدونکي د څښاک پاکو اوبو ته له نه لاسرسي شکایت کوي او له حکومته غواړي چې دغه ستونزه یې ور هواره کړي.
د ننګرهار پوهنې رياست مسوولين وايي، د دغه ولايت خوږياڼو ولسوالۍ کې د يو منځني ښوونځي د څلورم ټولګي څلور زدهکوونکې د اوبو يوه ډنډ ته غورځېدلي چې درې يې مړې شوي او يوه يې ژغول شوې ده.
د روغتیا نړۍوال سازمان نن د زمري ۳مه «د ډوبېدو مخنیوي نړۍوالې ورځې» په مناسبت وایي، په نړۍ کې هر کال اوبو کې د ډوبېدو له امله څه د پاسه ۲۳۶ زره کسان خپل ژوند له لاسه ورکوي.
د کونړ ناړۍ ولسوالۍ مسوولین وايي، له تېرې ورځې راهیسې په سیند کې د اوبو زیاتېدو له امله له مرکز سره د دوی لار بنده شوې ده.
د غور کلیو بیارغونې او پراختیا ریاست وایي، د دغه ولایت په دولتیار او چهارسدې ولسوالیو کې د اوبو دوو شبکو په بشپړېدو سره زرو کورنیو څښاک اوبو ته لاسرسی پیدا کړ.
په لغمان، باميان او جوزجان ولايتونو کې اووه کسان په اوبو کې د ډبېدو له امله مړه شوي دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن