د کونړ په غازياباد ولسوالۍ کې نن د خوړو نړۍوال پروګرام (WFP) په مالي مرسته د پنځه کلیومترو په اوږدوالي د یوه کرنیز کانال د جوړېدو چارې پيل شوې چې د درېیو میاشتو په موده کې به بشپړې شي.
د لغمان په الیشنګ ولسوالۍ کې نن د ځايي خلکو په شخصي لګښت د یوه ۳۰ متره پل د جوړېدو چارې پیل شوې چې اووه اعشاریه دوه میلیونه افغانۍ لګښت ورباندې کېږي.
د قیصار – لامان حلقوي سړک د پنځمې برخې د ۲۵ کیلومتره جوړېدو هوکړهلیک د ټولګټو وزارت او یوه ساختماني او سړک جوړولو شرکت ترمنځ د ۱،۴ میلیارد افغانیو په ارزښت لاسلیک شو.
د لوګر د صنعت او سوداګرۍ ریاست وایي چې د دغه ولایت د محمداغې ولسوالۍ لوېدیځ لور ته په زر جریبه ځمکه کې دویم صنعتي پارک جوړېږي.
د ننګرهار ولايت مرکز جلالاباد ښار کې د ۱۴ ميليون افغانيو په لګښت د يوه سړک د جوړېدو چارې پيل شوې.
هلمند کې یو شمېر صنعتکاران چې په خپلو کورونو کې لاسي صنایع تولیدوي، شکایت کوي چې دغه ولایت کې د لاسي صنایعو د پلور لپاره هیڅ ځانګړی مارکېټ نشته او امله یې د دوی توکي مناسب بازار نه لري.
د اروزګان اوسېدونکي وايي، درې لسیزې کېږي چې د اروزګان – کندهار ترمنځ د لویې لارې جوړولو ته انتظار باسي او زیاتوي چې د مخکنیو حکومتونو په ګډون یې تراوسه چا غږ نه دی اورېدلی.
د غور ولایت د لرو پرتو سیمو یو شمېر اوسېدونکې وايي، لا هم ځینې میندې روغتیايي خدماتو ته د نه لاسرسي له امله د زېږون لپاره کلیوالي دایو ته ورځي چې دغه کار په ځینو مواردو کې د مور او ماشوم د مړینې لامل کېږي.
د ننګرهار ولایت مرکز جلالاباد ښار په شپږمه ناحیه کې د ۱۶نیم میلیونه افغانیو په لګښت د یوه فرعي سړک او ویالو جوړولو چارې پیل شوې.
د اېرګنک په نوم مشهوره لاره چې مزارشریف کندوز له یو بل سره نښلوي، د بلخ اوسېدونکي او موټرچلوونکي يې له حکومته د جوړېدو غوښتنه کوي.
د ټولګټو وزارت وايي، د نږدې ۲۶۰ میلیون افغانیو په لګښت د کندهار – هرات پر لویه لار د اتو جوماتونو د جوړولو چارې پيل شوې.
د مخابراتو او معلوماتي ټکنالوجۍ وزارت وایي چې د دغه وزارت اړوند د مخابراتي خدمتونو د تنظیم ادارې «اترا» د څه باندې ۱۳ میلیونه ډالرو په لګښت له کورنيو شرکتونو سره د ۱۴۹ مخابراتي سایټونو د جوړېدو تړون لاسلیک کړ.
د دایکنډي یو شمېر اوسېدونکي وایي چې د دغه ولایت پر مواصلاتي لارو تګ راتګ ستونزمن دی او اړتیا ده څو د مسافر وړونکو الوتکو لپاره د هوایي ډګر په جوړېدو سره هوایي مسیرونه برابر شي.
یو شمېر خلک د کابینې د هغې پرېکړې هرکلی کوي چې له مخې د پل محمودخان - چهاراسیاب عمومي سړک نیمګړي چارې بشپړیږي.
د لوګر ولایت په مرکز پلعلم کې د ۱۱ میلیونو افغانیو په لګښت د کوڅو او کانالونو جوړېدو چارې پيل شوې.
د اروزګان - کندهار ترمنځ پر لویه لار یو شمېر تلونکي مسافر او موټرچلوونکي وایي چې د دې لارې د یوې برخې رغنیزې چارې دې ګړندۍ شي خو سیمهییز مسوولین ډاډ ورکوي چې ژر به دغه چارې بشپړې شي.
د اوبو او برېښنا وزارت سرپرست وایي، د ګلبهار - پنجشېر اوبو بند د بودجې د تمویل لپاره هڅې روانې دي او د جوړولو چارې به یې په راتلونکي کې پیل شي.
