سړکونو

په بلخ او لغمان ولایتونو کې د ۴۲ میلیونو افغانیو په لګښت د شپږو سړکونو د پخولو او درېیو سړو خونو د بیارغولو چارې پيل شوې.

د څه باندې ۱۵ میلیون افغانیو په لګښت په ننګرهار او بلخ ولایتونو کې د دوو سړکونو پخولو چارې پيل شوې.

د میدان‌وردګو مسوولین وايي، نن د دغه ولایت د مرکز ترڅنګ په جلرېز او د بهسودو لومړۍ حصې ولسوالیو کې د نړۍوال بانګ په مالي ملاتړ د ۸۵ میلیون افغانیو په لګښت د ۱۶۷ بېلابېلو پروژو چارې پيل شوې.

سرپل او نورستان کې مسوولین وایي چې په دغو ولایتونو کې د ۱۰ میلیونو افغانیو په لګښت د څه باندې ۸ کیلومتره سړکونو جوړولو او بیارغونې چارې پیل شوې دي.

د غزني ښار دویمې ناحیې اړوند د دوو سړکونو د قیر کولو چارې د دغه ولایت د ښاروالۍ په مالي لګښت پېل شوې چې د دوو میاشتو په موده کې به بشپړې شي.

د اروزګان د مرکز ترینکوټ ښاروالۍ مسوولین وايي، د ښار د هغو سړکونو رغولو چارې پيلوي چې د کلونو په تېرېدو زیانمن او خراب شوي دي.

د جلال‌اباد ښار يو شمېر اوسېدونکي نيوکه کوي چې د ښاروالۍ له لوري د سړکونو داغګيرۍ کارونه په ځنډ روان دي چې له امله يې د خلکو ورځني کارونه له ستونزو سره مخ دي.

د پکتيا ولايت مرکز ګردېز ښار د داخلي تخريب شوو سړکونو، پلچکونو او څلور لارو د بيارغولو چارې پيل شوې.

د جوزجان ولایت د قرقین او خماب ولسوالیو یو شمېر اوسېدونکي وايي، له کلونو راهیسې په خپلو سیمو کې د سړکونو خرابوالي له امله له ستونزو سره مخ دي او تېرو حکومتونو دې برخې ته پاملرنه نه ده کړې.

د هلمند د مارجې ولسوالۍ خلک وايي، د سړکونو خرابوالي له امله يې ډېری وخت ناروغان تر روغتونه نه رسېږي او له ګڼو ستونزو سره مخ دي؛ خو مسوولین وايي چې ډېر ژر به د لویو او فرعي لارو د جوړولو چارې پيل شي.

د باغیس یو شمېر اوسېدونکي په قلعه‌نو ښار کې د سړکونو له خرابوالي شکایت کوي او وایي، له کلونو راهیسې د دغه ښار سوکونه نه دي ترمیم شوي، خو مسوولین بیا په نږدې راتلونکي کې د ویجاړ شوو سړکونو د بیارغونې چارو له پیلېدو خبر ورکوي.

د زابل په مرکز کلات ښار کې د ۸۰۰زره امريکايي ډالرو په لګښت د ۱۰ کيلومټره سړکونو د جوړولو چارې پيل شوې.