یو شمېر روغتیايي کارپوهان وایي چې طبي کثافات که څه هم ظاهراً بېخطره ښکاري، خو د چاپېریال او روغتیا لپاره د یوې لویې ننګونې په توګه کولای شي د خطرناکو ککړتیاوو او جدي ناروغیو سرچینه او دغه راز د ناروغیو د لېږد وسیله هم وي.
د فاریاب د مرکز میمنې ښار یو شمېر اوسېدونکي د روغتیايي مرکزونو له خوا د طبي کثافاتو له ناسم مدیریته شکایت لري او دا چاره چاپېریال او عمومي روغتیا ته جدي ګواښ بولي، خو مسوولین وایي چې دا ستونزه ۷۰ سلنه کنټرول شوې ده.
