غنمو

د لوګر سیمه‌ییز مسوولین وایي، د دغه ولایت په مرکز پل‌علم، خروار، ازرې او بره‌کي برک ولسوالیو کې ۳۵۰۰ کسان د بیارغونې په څلورو پروژو کې د غنمو په بدل کې په کار ګومارل شوي دي.

د هند د بهرنیو چارو وزارت وايي، له افغانستان سره د مرسته شوو غنمو یوه بله جوپه – چې ۳۰۰۰ مټریک ټنه دي – د واګه بندر له لارې افغانستان ته استولې ده.

د غزني چارواکي وايي، د دغه ولایت په مرکز او ځینو ولسوالیو کې ۵زره کسان د غنمو په بدل کې په کار ګومارل شوي چې د ویالو په پاکولو او کلیوالي سړکونو په جوړولو بوخت دي.

د ننګرهار د کرنې او مالدارۍ رياست چارواکي وايي، سږ کال په دغه ولايت کې د وچکالۍ او ځينو طبيعي افتونو له امله د غنمو په حاصلاتو کې ۲۵ سلنه کموالی راغلی دی.

د هلمند د اطلاعاتو او کلتور ریاست وايي، د دغه ولایت امنیتي ځواکونو پرون د کندهار- هرات پر لويه لار، پاکستان ته د ۵۰ موټرو غنمو د قاچاق مخه نیولې ده.

د ننګرهار ولايت په څلورو ولسواليو کې ۲۶۰۰ کسانو ته د غنمو په بدل کې د کار زمينه برابره شوه.

په کندهار ولایت کې په وروستیو دوو میاشتو کې د غنمو بیه نږدې نیمايي لوړه شوې چې خلک یې اندېښمن کړي دي.

سیمه ییز چارواکي وايي چې د لغمان په الینګار ولسوالۍ کې د اوبو د کمښت له امله د غنمو سلګونه جريبه کښت د خرابېدو له ګواښ سره مخ دی.

د ميدان وردګو ولایت په نرخ ولسوالۍ کې د غنمو په بدل کې ۳۰۰ کسانو ته د کار څلور پروژې پيل شوې.

د لغمان د مرکز مهترلام ښاروالۍ له خوا د نهر سراج پاکولو چارې نن پيل شوې او ۲۵۰ کسانو ته په کې د کار زمینه برابره شوه.