کابل (پژواک، ۲۷ مرغومی ۱۴۰۱): د روسیې اینټرفاکس خبري اژانس راپور ورکړی چې اوکراین له افغانستان سره د ۱۶ زره ټن غنمو مرسته کړې ده.
یاد اژانس د یوه راپور په خپرولو سره لیکلي چې اوکراین له افغانستان سره د ۱۶ زره ټن غنمو مرسته کړې او دغه غنم پرون د یاد هېواد له یوه بندره بار شوي دي.
په راپور کې راغلي، د غنمو او نورو خوراکي توکو ټولې دری کښتۍ چې ۵۵۶۱۹ ټن مواد پکې بار دي، د اوکراین له بندرونو حرکت کړی او ټاکل شوې چې توکي یې لیبیا، ترکیې او افغانستان ته ورسېږي.
له دغو کښتیو څخه یوه یې د ملګرو ملتونو د خوړو نړۍوال پروګرام له لوري اجاره شوې چې له افغانستان سره مرسته شوي غنم په څو ورځو کې د پاکستان یوه بندر ته ورسوي.
د یادونې ده، په روان لمریز کال کې له افغانستان سره دا د اوکراین دویمه مرسته ده؛ تر دې وړاندې دغه هېواد د روان کال په وږي میاشت کې افغانستان ته ۳۰ زره ټنه غنم رالېږلي و.
دا مرسته په داسې حال کې کېږي چې له دې وړاندې د خوړو نړۍوال پروګرام په افغانستان کې د لومړنیو توکو د کمښت په اړه خبرداری ورکړی و او د نړۍ له هېوادونو یې غوښتی و چې له دغه هېواد سره په بېلابېلو برخو کې مرسته وکړي.
غړيYou need to subscribe to view the full article. Please login or register a new account.
