ماشومانو

د سمنګان روغتیايي مسوولینو په دغه ولایت کې پر خوارځواکۍ د اخته ماشومانو له ډېرېدو خبر ورکړی او وایي چې د روان کال په شپږو میاشتو کې پر خوارځواکۍ اخته څه باندې ۱۴۹۰۰ ماشومان د مرکز او ولسوالیو روغتیایي مرکزونو ته وړل شوي دي.

د جوزجان خواجه‌دوکوه ولسوالۍ د څو کلیو اوسېدونکي په داسې حال کې خپلو ماشوم ته د ښوونځي له نشتوالي شکایت کوي چې د دغه ولایت د پوهنې ریاست د دې ستونزې د هوارېدو ډاډ ورکوي.

ډ‌اکټران د ماشومانو معیوب زېږېدو مخنیوي لپاره د امېدوارۍ وخت کې د جدي مراقبت او په خپل ‌سر د درملو نه خوړو توصیه کوي او دغه راز زیاتوي چې له نږدې خپلوانو سره له واده کولو دې هم ډډه وشي.

د غزني د زنخان یو شمېر قومي مشران په دې ولسوالۍ کې زده‌کړو ته د ماشومانو پر نه لاسرسي اندېښنه څرګندوي او له حکومته غواړي چې دې برخې ته پاملرنه وکړي او ښوونځي دې ورته جوړ کړي.

د افغاني سره میاشتې ټولنه وايي، ۴۲ د سوري زړه پر ناروغۍ اخته ماشومان يې نن کابل کې د درملنې په موخه څلورو روغتونونو ته ورپېژندلي دي.

سره میاشت د زړه د سوري پر ناروغۍ د اخته ماشومانو درملنې لپاره د بودجې له ډېرېدو خبر ورکوي او وايي چې تېرو ۱۴ کلونو کې یې د سوري زړه لرونکو ۱۱ زره ماشومانو درملنه کړې ده.

د افغاني سرې میاشتې ټولنه وايي، ٢٨ په زړه سوري ماشومان يې په پلازمېنه کابل کې د درملنې او عملیات په موخه یوه داخلي روغتون ته ورپېژندلي دي.

سږ کال په زړه سوري ماشومانو درملنې لپاره د افغاني سرې میاشتې ټولنې ۳۰ میلیونه افغانۍ او سره صلیب ۱،۹ میلیون ډالر ځانګړي کړي دي. ‍

د سمنګان امنیتي مسوولین وایي، د دغه ولایت په دره‌‌صوف پایین ولسوالۍ کې د زړې سرګلولې چاودنې له امله درې ماشومان وژل شوي او دوه نور ټپیان دي.

د کونړ عامې روغتیا ریاست مسوولین وايي، د دغه ولایت په مرکز او ځینو ولسوالیو کې یو شمېر کورنۍ نه غواړي چې ماشومانو ته یې د ګوزڼ واکسین تطبیق شي.

د افغاني سرې میاشتې ټولنه وايي، د سوري زړه پر ناروغۍ اخته ۴۰ ماشومان یې په کابل کې د درملنې په موخه دوو روغتونونو ته ورپېژندلي دي.

د غزني د ګېرو ولسوالۍ یو شمېر اوسېدونکي وایي، د دې ولسوالۍ په دېسي او بډي سیمو کې هیڅ ښوونځي نشته او ماشومان یې له زده‌کړو بې‌برخې پاتې دي.