ماشومانو

ډاکټران وايي، ماشومانو کې د تیرویید غدې د فعالیت کموالی د قد ټیټوالي، ذهني کمزورتیا او نورو روغتیایي ستونزو لامل کېږي.

د خوست د نادرشاه‌کوټ ولسوالۍ د ځني‌خېلو اړوند د څوۍ سيمې اوسېدونکي وايي، په سیمه کې یې د روغتیايي مرکز ترڅنګ ښوونځی هم نشته او ماشومان یې له زده‌کړو محروم دي.

د افغانستان عامې روغتیا وزارت وايي، د بنګله‌دېش هېواد یو روغتيايي ټيم د کابل «صحت طفل» روغتون کې د پرې شونډو ماشومانو وړیا عملیات کوي.

د ننګرهار د پوهنې رياست مسوولين وايي چې له پاکستانه د راستنو شوو کورنیو ۱۵۰۰ ماشومانو ته – چې نجونې هم په کې شاملې دي – د دغه ولایت په ښوونځیو کې د زده‌کړو زمینه برابره شوه.

غزني ته له پاکستانه راستانه شوي کډوال وايي چې حکومت دې د دوی ماشومانو ته د زده‌کړو زمینه برابره کړي.

د کندوز د پوهنې ریاست مسوولین وايي، درېیو مرستندویه بنسټونو په دغه ولایت کې د نږدې ۸۰۰ سیمه‌ییزو ټولګیو په جوړولو سره ۲۷ زره ماشومانو ته د لومړنیو زده‌کړو زمینه برابره کړې ده.

د غور روغتیايي مسوولین تېرو نهو میاشتو کې دغه ولایت کې پر خوارځواکۍ د اخته ۷۰۰ ماشومانو له ثبتېدو خبر ورکوي او وايي چې په همدې موده کې د دې ناروغۍ له امله ۲۲ ماشومان مړه شوي دي.

د غزني ولایت د اندړو ولسوالۍ د یو شمېر سیمو قومي مشران او دیني علمان وايي په سیمو کې یې یو ښوونځی هم شتون نه‌ لري.

د ننګرهار امنيه قومانداني وايي چې د ماشومانو هغه لس‌کسيزه ډله يې نيولې چې د دغه ولایت په مرکز جلال‌اباد ښار کې يې غلاوې کولې.

د بلخ په دهدادي ولسوالۍ کې له پاکستانه په زور د را ایستل شوو کډوالو کورنیو ماشومان په ښوونځي کې شامل او زده‌کړې یې پيل کړې.

افغانستان کې له هرو پنځو ماشومانو یو یې کار کوي او د کارګرو ماشومانو شمېر تر نورو ولایتونو په خوست، بامیان او هلمند کې ډېر او په کابل، بدخشان او لغمان کې کم دی.

ننګرهار ته له پاکستانه راستانه شوي هېوادوال وایي، د خپلو ماشومانو زده‌کړو په اړه جدي اندېښنه لري او زیاتوي چې حکومت دې ورته د زده‌کړو زمینه برابره کړي.