ماشومان

د بلخ مرکز مزارشریف ښار کې یو شمېر کارګرې ښځې او ماشومان د کار او مزد له کموالي شکایت کوي او له حکومته په دایمي توګه د کاري فرصتونو برابرولو غوښتنه کوي.

د جوزجان په مرکز شبرغان ښار کې پر درنو کارونو بوخت یو شمېر ماشومان خپلې نامعلومې راتلونکې ته اندېښمن دي او له اسلامي امارت غواړي چې د مناسب کار او زده‌کړو زمینه ورته برابره کړي.

د پکتيا مرکز ګردېز ښار کې په درنو کارونو بوخت يو شمېر ماشومان له حکومتي مسوولينو او مؤسسو غوښتنه کوي چې د مناسب کار او زده‌کړو زمينه ورته برابره کړي.

د افغاني سرې میاشتې ټولنه وايي، د سوري زړه پر ناروغۍ اخته ۱۳ ماشومان یې په کابل کې د درملنې په موخه دوو روغتونونو ته ورپېژندلي دي.

د مزارشریف ابو علي‌سینا بلخي حوزوي روغتون مسوولین وایي چې په بلخ کې ۲۴۴ ماشومان د تلسیمیا پر ناروغۍ اخته دي، بلخوا دغه ناروغان له خلکو د وینې او له حکومته د درملنې برخه کې د مرستې غوښتنه کوي.

افغاني سرې میاشتې ټولنې اعلان کړی چې د سوري زړه پر ناروغۍ اخته ۲۶ ماشومان یې د درملنې په موخه د کابل ښار څلورو روغتونونو ته ورپېژندلي دي.

روغتیایي متخصصین په ماشومانو کې د سوري زړه ناروغي مورزادي ستونزه بولي ‎او له کورنیو غواړي چې که له زېږون وروسته په ماشوم کې د نفس‌تنګۍ، د نوکانو او شونډو شین‌والي، تبې او کمزورتیا نښې وویني، ژر تر ژره یې دې روغتون ته ولېږدوي.

د داخله ناروغیو یو متخصص په ماشومانو کې خوارځواکي د ناسمې تغذیې، پر ځینو ناروغیو د اخته کېدو او د واکسین نه تطبیق له امله بولي او له کورنیو غواړي چې ماشومانو ته پر خپل وخت واکسینونه ورکړي.

د افغاني سرې میاشتې ټولنه وايي، د زړه سوري پر ناروغۍ اخته ۷۰ ماشومان یې د درملنې په موخه د کابل ښار پنځو روغتونونو ته ورپېژندلي دي.‎

د کندوز امنیه قومانداني وايي چې په دغه ولایت کې یوه کس خپل دوه ماشومان وژلي، یو بل ماشوم او مېرمن یې ټپیان کړي دي.

د فراه روغتیايي مسوولین وايي چې د سږ کال په لومړیو درېیو میاشتو کې په دغه ولایت کې ۲۶۸۶ ماشومان په خوارځواکۍ اخته شوي چې د تېر کال په پرتله ډېروالی ښیي.

د ملګرو ملتونو اړوندې ادارو د انساني قاچاق پر ضد مبارزې د نړۍوالې ورځې په مناسبت ویلي چې لا هم د انساني قاچاق یو پر درېیمه برخه قربانیان ماشومان دي خو په شمېر کې یې ۱۱ سلنه کموالی راغلی.