هېواد

د سرحدونو، قومونو او قبایلو چارو وزارت وایي، د تېر یوه کال په اوږدو کې یې د هېواد په کچه د قومونو او قبیلو ترمنځ څه باندې ۳۰۰ لویې او څه باندې ۵۰۰ وړې شخړې او دښمنۍ حل و فصل کړې دي.

د المپیک ملي کمېټه وایي چې د هېواد د کراټې ملي لوبډلې لپاره ۸۰ لوبغاړي په کیوکېشن او امتیازي سبکونو کې غوره شول.

د افغانستان بانک لومړي مرستیال د افغانستان او امریکا د سوداګرۍ خونې له رییس سره د خصوصي سکټور د پیاوړتیا، د سوداګرۍ د ودې او د بانکي سکټور د ټینګښت برخو کې د ګډو همکاریو په اړه خبرې کړې دي.

د افغانستان د ترانسپورټ او هوایي چلند وزارت د هېواد په ۱۱ ولایتونو کې د سختو ورښتونو، تالندې او برېښنا او ناڅاپي سېلابونو راتلو د احتمال خبر ورکوي.

له افغان شخصیتونو سره د اړیکو کمېسیون وایي، په مخکني حکومت کې د عامې روغتیا وزارت مسلکي مرستیال، په قطر کې د افغانستان پخوانی سفیر او د جمهوري ریاست د دفتر رییس فیض‌الله کاکړ د دغه کمېسیون له لارې بېرته هېواد ته راستون شوی دی.

د افغانستان د المپیک، بدني روزنې او ورزش عمومي ریاست وايي چې د تکواندو (اې‌ټي‌اېف) درې کسیزه ډله د سرو ‌زرو له درېیو مډالونو سره بېرته هېواد ته راستنه شوې ده.

د کار او ټولنیزو چارو وزارت وایي چې راتلونکې چهارشنبې (د زمري ۲۴مه) د اسلامي امارت د بیا واکمنېدو د درېیمې کالیزې په مناسبت په هېواد کې عمومي رخصتي ده.

اړوندو ادارو د هېواد سیندیزو حوزو په ځینو ساحو کې د راتلونکو درېیو ورځو لپاره د سخت ورښت، برېښنا او تالندې، سېلابونو راتلو او د سیندونو اوبو کچې له لوړېدو خبر ورکړی دی.

د ترانسپورټ او هوایي چلند وزارت د هېواد په ۱۱ ولایتونو کې د سختو ورښتونو، تالندې، برېښنا، ناڅاپي سېلابونو راتلو له احتمال خبر ورکوي.

د ترانسپورټ او هوایي چلند وزارت، د هېواد په ۱۶ ولایتونو کې د سختو ورښتونو، تالندې، تندر او ناڅاپي سېلابونو د احتمال خبر ورکړی دی.

د پوهنې وزارت اعلان کړی چې د هوا ګرمۍ له امله د دولتي او خصوصي ښوونځیو او دیني مدرسو د اوړي رخصتۍ د لسو ورځو لپاره وغځول شوې.

اړوندې ادارې وايي چې د هېواد په ځینو سیندیزو حوزو کې د سخت ورښت، سېلابونو راتلو او سیندونو اوبو کچې لوړېدو اټکل شوی دی.