وړیا زده‌کړو

د هلمند د ګرشک ولسوالۍ په ترمه سیمه کې یوه ځوان د نجونو په ګډون ۳۰۰ ماشومانو ته تر درېیم ټولګي پورې په خپل کور کې د وړیا زده‌کړو زمینه برابره کړې خو اوس د ټولګیو او قرطاسیې له کمښت سره مخ دی.

اروزګان کې سلګونه ځوانان د اطلاعاتو او فرهنګ ریاست د وړیا زده‌کړو له مرکز څخه د انګلیسي ژبې، کمپیوټر او ساینسي مضامینو له درې میاشتني پروګرام څخه فارغ شول.

د اروزګان د اطلاعاتو او فرهنګ ریاست وايي، د دغه ولایت په مرکز ترینکوټ ښار کې یې شاوخوا ۹۰۰ ځوانانو ته د انګلیسي ژبې، کمپیوټر او ساینسي مضامینو د وړیا زده‌کړو درې میاشتنی پروګرام پیل کړی دی.

د لوګر د پوهنې ریاست وایي، یوه کس په خپل شخصي لګښت یو مرکز پرانیستی چې ۸۰۰ یتیم او بې‌وزله ماشومان په کې په وړیا توګه زده‌کړې کوي.

هرات کې یوه خیریه بنسټ څه باندې دوه زره ماشومانو او ښځو ته په وړیا ډول د قرانکریم او خیاطۍ زده‌کړو زمینه برابره کړې چې دغه کار د هرات د اوسېدونکو له هرکلي سره مخ شوی دی.

د کابل بګرامي ولسوالۍ د فتح‌خېلو سیمې اتفاق کلي کې یو کس له دې امله ماشومانو ته د وړیا زده‌کړو مرکز جوړ کړی چې په وینا یې، ښوونځی له دې سیمې لرې دی او ماشومان نه شي ورتللای.

د فراه یوه ملي سوداګر د دغه ولایت په مرکز کې په خپل شخصي لګښت سلګونو کسانو ته د ریاضي، انګلیسي، سواد او خطاطۍ زده‌کړې زمینه برابره کړې ده.

یو شمېر رضاکارو ځوانانو د جوزجان ولایت اقچې ولسوالۍ په قشقه‌اباد کلي کې د ماشومانو لپاره د وړیا زده‌کړو مرکز جوړ کړی چې د ۲۰۰ زده‌کوونکو ظرفیت لري.