د لوګر پوهنې ریاست وایي چې د ملګرو ملتونو د ماشومانو ملاتړ صندوق په دغه ولایت کې د دولتي ښوونځیو له زدهکوونکو او ښوونکو سره د شاوخوا ۱۹ میلیون افغانیو په ارزښت د درسي توکو مرسته وکړه.
په افغانستان کې د ترکيې د پوهنې بنسټ رییس د هرات له والي سره لیدنه کې ويلي چې هېواد يې په افغانستان کې د افغان - ترک ښوونځيو له لارې عصري زدهکړو ته د پراختيا په هڅه کې دی.
د لوګر ولایت د پوهنې ریاست وایي چې برهکي برک او څرخ ولسوالیو کې د پوهنې په برخه کې د اتو میلیونو افغانیو په لګښت د اتو رغنیزو پروژو د عملي کېدو چارې پيل شوې.
د افغانستان سرپرست حکومت د پوهنې وزیر وايي، دیني او عصري زده کړې دواړه لازمي دي او دوی به د ښوونځیو او مدرسو پرمختګ ته یو شان پام کوي.
