ځوانان

په تخار کې یو شمېر لوستي ځوانان په دولتي ادارو کې په حکمي ډول د ګومارنو په‌ تړاو اندېښنه څرګندوي او وايي، د حکمي ګومارنو دوام به د ځوانانو د غیرقانوني کډوالېدو او له زده‌کړو سره د دوی د لېوالتیا کمېدو لامل شي.

په بادغیس کې یو شمېر تحصیل‌کړي ځوانان وايي، د کار نشتوالي له امله اړ شوي چې په ناقانونه توګه ګاونډيو هېوادونو ته ولاړ شي؛ دوی له اسلامي امارته غواړي چې د کاري فرصتونو برابرول دې په خپلو کاري لومړيتوبونو کې ځای کړي.

د اطلاعاتو او فرهنګ وزارت د ځوانانو چارو معین قاري محمدیونس راشد غزني ته په خپل سفر کې د دغه ولایت له ځوانانو سره ولیدل او په یوه غونډه کې یې د هغوی ستونزې او غوښتنې واورېدې.

د لوګر مرکز پل علم او یو شمېر ولسوالیو لوستي ځوانان له وزګارتیا شکایت کوي او له حکومته غواړي چې د کار زمینه ورته برابره کړي.

د بغلان په مرکز پلخمري کې د يوې کورنۍ د غړو ترمنځ په نښته کې دوه ځوانان په ډزو ويشتل شوي او وژل شوي دي.

اټلانټا (پژواک، ۲۰ لړم ۱۴۰۱): د افغانستان د تنکيو ځوانانو (۱۴ کلنو) لوبډلې د فوټبال مرکزي اسیا جام سیالیو په لړ کې ایران ته یو

د بند سبزک د ډبرو سکرو کان په هرات ولایت کې یو له هغو شپږو مشهورو کانونو څخه دی چې د کانونو او پټرولیم ریاست د مسوولینو په خبره، سلګونه ځوانان پکې پر کار بوخت دي.

په بلخ ولايت کې يو شمېر روغتيا‌پالان وايي، پرېګابلين درمل پر عصبي، رواني او سختو دردونو اخته ناروغانو ته ورکول کېږي، خو په دې وروستيو کې يو شمېر ځوانان يې د نشه‌يي توکو په توګه کاروي.

بامیاني ځوانان په دغه ولایت کې له لوړ ولور څخه شکایت لري او وایي، د دغه دود له امله دوی د کورنۍ له جوړولو څخه بې‌برخې شوي دي.

د دایکنډي یو شمېر ځوانان د دغه ولایت له مسوولینو غواړي چې له پروژو د ساتنې، د نیمه‌کاره سړکونو بشپړولو، د کرونا درملنې د مرکزونو فعالولو او له بشري مرستو د جدي څارنې په برخو کې جدي پاملرنه وکړي.

په بادغیس کې ځيني کوژدن شوي/نامزد ځوانان له لوړ ولور ټاکلو څخه شکایت لري وایي،  د اقتصادي بېوزلۍ له امله یې د ورکړې توان نه لري او کلونه کېږي چې د خپل واده مراسم ترسره کولای نه شي؛ هغوی د ولور د کمولو غوښتنه وکړه.

د کونړ یو شمېر هغه ځوانان چې له پوهنتونونو فارغ شوي او له کلونو راهيسې وزګار دي، له حکومته غواړي چې په دولتي او خصوصي ادارو کې دې د کار زمينه ورته برابره کړي.