ښوونځيو

د پوهنې وزارت د کیفیت د تضمین مرستیال د کابل له عربي دارالعلومه د لسګونو کسانو فراغت‌غونډه کې ویلي چې ښوونځيو او مدرسو کې دې په عصري او دیني زده‌کړو کې د کمیت په نسبت تر ډېره پر کیفیت تمرکز وشي.

د پکتیا پوهنې ریاست وايي چې د دغه ولایت په کچه د ۳۳۵ دولتي ښوونځیو په تشکیل کې شاوخوا ۱۱۰۰ ښوونکي کم دي.

د هلمند د پوهني ریاست مسوولین وایي، د دغه ولایت یو شمېر ولسوالیو کې هیڅ ښوونځی نشته او په خبره یې چې د ښوونځیو او ښوونکو د کمښت له امله دغلته ۶۰ سلنه ماشومان له زده‌کړو بې‌برخې دي.

له څو ورځو راهيسې ویل کېږي چې ګواکې په کابل کې د نجونو ۴۷ خصوصي ښوونځیو ته له شپږم ټولګي پورته د زده‌کړو اجازه ورکړل شوې، خو د پوهنې وزارت وایي، دغه راپورونه غیرواقعي او له حقیقته لرې دي.

د پکتيا د پوهنې رياست وايي چې په دغه ولایت کې د ۱۰۶ میلیون افغانیو په لګښت لسو ښوونځیو ته د ودانیو جوړولو چارې پيل شوې.

د پکتيا پوهنې رياست وايي چې د دغه ولایت په مرکز او ۱۳ ولسوالیو کې د ۲۲۵ میلیون افغانیو په لګښت ۱۸ ښوونځیو ته د ودانیو جوړولو چارې پيل شوې.

اروزګان کې د ښوونځیو کمښت له امله څه باندې ۸۰ زره ماشومان له زده‌کړو پاتې دي، او مسوولین د ښوونځیو جوړېدو لپاره له نړۍوالو مرستندویه ادارو د همکاري غوښتنه کوي.

د لوګر پوهنې ریاست وایي چې د ملګرو ملتونو د ماشومانو ملاتړ صندوق (UNICEF) له لوري د ۱۵ میلیون افغانیو په لګښت د درېیو ښوونځيو بیارغونې چارې پيل شوې.

پخواني ولسمشر حامد کرزي د کوچني اختر په مناسبت پیغام کې، د افغانانو ترمنځ پر یووالي د ټینګار ترڅنګ، یو ځل بیا له اسلامي امارته غوښتي چې د ښوونځیو او پوهنتونونو دروازې د نجونو پر مخ پرانیزي.

د هلمند پوهنې ریاست مسوولین وایي، روان کال یې د دغه ولایت په ۱۹ ولسوالیو کې د ۱۱۹ ښوونځیو ودانۍ ترمیم کړې دي.

د ننګرهار د پوهنې رياست مسوولین وايي، تېر يوه کال کې ۲۶ ښوونځيو ته نوې ودانۍ جوړې شوې، د ۵۳ ښوونځيو ودانۍ بیارغول شوې او ۱۶ ښوونځيو لپاره د احاطې دېوالونه جوړ شوي دي.

د لوګر پوهنې ریاست وایي چې په راتلونکي ښوونیز کال کې د ملګرو ملتونو د ماشومانو ملاتړ صندوق (UNICEF) له لوري د دغه ولایت ۱۲ ښوونځیو ته نوې ودانۍ جوړېږي.