ښوونځیو

د لوګر د پوهنې ریاست وایي، د دغه ولایت په مرکز پل علم، محمداغې، بره‌کي برک او څرخ ولسوالیو کې د جګړو له امله د ویجاړو شوو نهو ښوونځیو بیارغونه پیل شوه.

د جوزجان د پوهنې رياست په تېر يوه کال کې د ښوونځيو جوړولو لپاره د دغه ولایت د خلکو له خوا د څه باندې ٢٣ جريبه ځمکې د ورکړې خبر ورکوي او له خیریه او مرستندویه بنسټونو غواړي څو له دغه ریاست سره د ودانیو جوړولو په برخه کې مرسته وکړي.

د پوهنې سرپرست وزیر وايي، د لرو سیمو اوسېدونکي ښوونځیو ته د نجونو له تګ سره رضایت نه لري او نه غواړي چې پېغلې لوڼې یې ښوونځیو ته لاړې شي.

د جوزجان د فوټبال لوبډلې لپاره د غوره لوبغاړو ټاکلو په موخه د دغه ولایت د ښوونځیو لوبډلو ترمنځ سیالۍ پیل شوې.

د پکتيکا د پوهنې رياست چارواکي وایي، د ښوونيز نصاب د کتابونو د وېش لړۍ یې پيل کړې چې په ترڅ کې به یې د دغه ولایت د ۹۹ سلنه ښوونځیو زده‌کوونکو ته درسي کتابونه ورسوي.

د بغلان د پوهنې رياست مسوولين وايي، په دغه ولايت کې ٢٧٣ ښوونځي ودانۍ نه لري چې له امله يې د یادو ښوونځیو ١٥٥٤٢١ زده‌کوونکي تر شنه اسمان لاندې زده‌کړې کوي.

د اروزګان د پوهنې ریاست وايي، دا مهال د دغه ولایت د زده‌کوونکو پر وړاندې تر ټولو لویه ستونزه په ښوونځیو کې د څښاک اوبو نشتوالی دی.

د نورستان د برګمټال ولسوالۍ د پوهنې مسوولین او ځايي اوسېدونکي وايي، په دې ولسوالۍ کې ټول ۳۶ ښوونځي دي خو ۳۰ یې ودانۍ نه لري چې د زده‌کوونکو د زده‌کړو بهیر یې ټکنی کړی دی.

د پوهنې وزارت وايي، قطر له افغانستان سره په تعلیمي ډګر کې د هر ډول همکارۍ چمتووالی ښودلی او پلان لري چې د ښوونځیو لپاره د ودانیو جوړولو په برخه کې مرسته وکړي.

د نیمروز د پوهنې ریاست د دغه ولایت پوهنې برخه کې د ستونزو په منلو سره وايي، د ښوونکو، درسي کتابونو او چاپ وسایلو د کمښت ستونزې هوارولو لپاره اړین اقدامات ترسره کړي دي.

د سرپل د پوهنې رییس نن د دغه ولایت د زده‌کوونکو د کورنیو له مشرانو سره په ګډه ناسته کې وویل چې په دغه ولایت کې یې د ښوونځیو د کیفیت او کمیت لوړولو لپاره کار پیل کړی دی.

د افغانستان سرپرست حکومت د پوهنې وزیر وايي، دیني او عصري زده کړې دواړه لازمي دي او دوی به د ښوونځیو او مدرسو پرمختګ ته یو شان پام کوي.