ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د شبرغان ښار د ښوونځیو ترمنځ د فوټبال سیالۍ پیل شوې

د شبرغان ښار د ښوونځیو ترمنځ د فوټبال سیالۍ پیل شوې

author avatar
8 Sep 2022 - 14:51
د شبرغان ښار د ښوونځیو ترمنځ د فوټبال سیالۍ پیل شوې
author avatar
8 Sep 2022 - 14:51

شبرغان (پژواک، ۱۷ وږی ۱۴۰۱): د جوزجان د فوټبال لوبډلې لپاره د غوره لوبغاړو ټاکلو په موخه د دغه ولایت د ښوونځیو لوبډلو ترمنځ سیالۍ پیل شوې.

د جوزجان د بدني روزنې امریت د فوټبال فدراسیون مسوول محب‌الله یما رحیمزی وایي، دغه سیالۍ چې د شبرغان ښار د ښوونځیو د ۱۸ لوبډلو ترمنځ پيل شوې دي، د یوې میاشتې لپاره به دوام ولري.

هغه زیاته کړه: «د دغو سیالیو موخه د جوزجان د ښوونځیو له شاګردانو د غوره فوټبالرانو ټاکل دي چې په دوو عمرونو کې انتخابېږي، موږ له دې ډلې د پوهنې ریاست ولایتي منتخب ټیم د ۱۴ کلونو او ۱۶ کلونو عمر لرونکو لوبغاړي انتخابوو.»

هغه زیاته کړه، هغه غوره څېرې چې له دغو لوبډلو څخه انتخابېږي، د ولایتونو ترمنځ سیالیو کې به هم لوبېږي.

د جوزجان ولایت د پوهنې ریاست تدریسي مرستیال عبدالرووف ارین پژواک خبري اژانس ته وویل، دغه سیالۍ د جوزجان لوبډلې لپاره د غوره فوټبالرانو د ټاکلو په موخه پېل شوې ډي.

هغه د دغه ډول سیالیو ترسره کول د زده‌کوونکو د بدني او فکري ودې لپاره ګټور وبلل.

د جوزجان د ابن یمین لېسې د لسم ټولګي زده‌کوونکي احمدرشاد پژواک خبري اژانس ته وویل: «زه هڅه کوم څو په دغو سیالیو کې ښه وځلېږم او په راتلونکي کې د هېواد د ملي لوبډلې غړی شم او د دغه ولایت یو ویاړ و اوسم.»

نوموړي د ورزش په نورو برخو کې هم د ورته سیالیو پر دوام ټینګار وکړ.

Views: 19

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.