د پاکستان د دفاع وزیر خواجه اصف ویلي، پر افغانستان د طالبانو واکمنۍ ته «خوشحاله» وو، خو دا یې نه انګېرله چې طالبان به د دوی «دوښمنانو» ته پناه ور کوي. هغه وايي، اوس د طالبانو پر ملاتړ پښېمانه دي. د پاکستان ځانګړی استازی اصف درانی هم څو ورځې مخکې کابل ته راغلی و، هغه د اسلامي امارت له چارواکو سره د «سیمه ییزې سولې او امنیت پر پیاوړتیا» خبرې کړې دي. په ورته وخت کې د اسلامي امارت ویاند ذبیح الله مجاهد ویلي چې د پاکستان په ګډون نور هېوادونه دې د خپلو کورنیو مسئلو د پړې ګوته افغانستان ته نه نیسي. وايي چې د افغانستان خاوره به «د پاکستان پرضد نه کارول کېږي.» د دفاع وزیر مولوي محمدیعقوب مجاهد هم تازه ویلي چې پاکستاني طالبان افغانستان کې شتون نه لري او په اړه یې د پاکستاني حکومت څرګندونې د دې لپاره دي چې نړۍ ته افغانستان بې وعدې وښيي. اوس پوښتنه دا ده چې پاکستان له افغانستانه څه تمه لري؟

Views: 3