د هواپېژندنې اداره: په ۱۷ ولایتونو کې د اورښت او سېلابونو راوتلو اټکل شوی

کابل (پژواک، ۱۲ لړم ۱۴۰۱): د افغانستان د هواپېژندنې اداره د هېواد په ۱۷ ولایتونو کې د اورښت او سېلابونو راوتلو د اټکل خبر ورکوي.

د افغانستان د هواپېژندنې ادارې د اعلامیې په خپرولو سره ویلي، د ۱۴۰۱ کال د لړم په ۱۲مه او ۱۳مه په هرات، غور، بادغیس، فاریاب، سرپل، جوزجان، بلخ، سمنګان، کندوز، بغلان، تخار، بدخشان، پنجشېر، پروان، بامیان او میدان وردګو ولایتونو کې د اورښت او سېلابونو راوتلو اټکل شوی دی.

سرچینه زیاتوي، په مختلفو سیمو کې د دغه اورښت کچه ​​له ۱۰ تر ۴۰ ملي‌مترو پورې ده او په بېلابېلو ولایتونو کې د واورې اندازه له (۵ تر ۱۵) سانتي مترو پورې اټکل شوې ده.