مزارشريف (پژواک، ۸ وری ۹۷):د بلخ کروندګر وايي چې د کرنيزو اوبو د کمښت له امله يې هر کال پنځوس سلنه کرنيزې ځمکې له کر څخه پاتې کېږي.
دغه څرګندونې د بلخ کروندګرو د دهقان ورځې د نمانځې په وياړ د کورنيو توليداتو او کرنيزنو توکو په نندارتون کې پژواک خبري اژانس ته وکړې.
د بلخ په مرکز مزارشريف ښار کې د وري په ۸مه، د دهقان ورځې په وياړ د کرنيزو او توليدي توکو نندارتون جوړ شو.
په دغه ننداره کې په لسګونو غرفو کې بېلا بېل ډول کرنيز توکي او کورني توليدات نندارې ته وړاندې شول.
خو د کورنيو توليداتو مسوولينو وويل چې د دولت او خلکو له ملاتړه پرته کورني توليدات وده نه شي کولی.
د دهدادي ولسوالۍ اوسېدونکې مېرمن رقيه چې په خپله سيمه کې يې د اش اوړو فابريکه جوړه کړې،د خپلې فابريکې توليدات نندارې ته وړاندې کړي وو.
هغې پژواک ته وويل،خلک بايد د بهرنيو توليداتو پر ځای کورنيو هغو ته لومړيتوب ورکړي.
رقيې وويل،که چېرې همدا ډول بهرني توليدات له بهر څخه واردېږي، نو عام خلک د کورنيو توليداتو پرځای بهرني کاروي.
نوموړې له دولت څخه هيله وکړه چې په دې برخه کې د کورنيو توليداتو د عامېدو په موخه جدي فکر وکړي.
بلخوا د بلخ کروندګرو چې په دغه نمانځنه کې يې برخه لرله، پژواک ته وويل چې د دوی تر ټولو جدي ستونزه د کرنيزو اوبو کمښت دی.
د چهاربولک اوسېدونکي محمد حکيم پژواک ته وويل چې د تېرو کلونو په پرتله د کانالونو د جوړېدو مشکل تر يو ځايه حل دی؛ خو د کرنيزو اوبو کمښت له ستونزو سره مخ کړي دي.
د هغه په وينا، دوی مجبور دی چې هر کال له خپلې ټولې ځمکې د اوبو د کمښت له امله نيمه بل کال ته پرېږدي.
محمد حکيم له دولت څخه غوښتنه کوله چې بلخ ښې کرنيزې ځمکې لري؛ چې بايد د اوبو د کمښت ستونزه يې جدي وګڼل شي او حل کړای شي.
سيمه ييز دولتي چارواکي د کرندوګرو د ستونزو د پخلي تر څنګ وايي چې دوی تر خپله وسه هڅه کړې ده.
د کرنې رياست د کرنيزو چارو مدير ذبيح الله ذوبين پژواک ته وويل، دوی له تېرو څو کلونو د اوبو د تنظيم غوره پلان جوړ او عملي کړی، خو بيا هم د کرنيزو اوبو ستونزه نه ده حل شوې.
نوموړي زياته کړه، بنسټيزه ستونزه په طبيعي توګه د بلخ د اوبو کمښت دی.
نوموړي زياته کړه چې د بلخ کرنيزې ځمکې په يوه ثانيه کې ۴۰۰ مترمکعب اوبو ته اړتيا لري په داسې حال کې چې دلته روانې اوبه يوازې ۳۶ مترمکعب اړتيا پوره کولی شي.
غړيYou need to subscribe to view the full article. Please login or register a new account.










