جلال اباد (پژواک، ١٨ مرغومى ٩٩) : ولسمشر اشرف غني له يوه لوړ پوړي پلاوي سره نن سهار وخته ننګرهار ولايت ته رسېدلى دى.
د ننګرهار ولايت مقام له خوا د مرغومي په ١٨مه، په يوه خپره شوې خبرپاڼه کې راغلي، ټاکل شوی چې ولسمشر د دې سفر پر مهال د ننګرهار له والي، نظامي بريدملانو او افسرانو، نظامي رهبرۍ، خلکو، قلموالو او فرهنګيانو سره جلا جلا ناستې او غونډې وکړي.
سرچينې زياته کړې، همدا راز به د ولسمشر په حضور کې د جوړو شويو ۴۵ ښوونځيو ودانۍ د اسنادو په ورکړې سره ګټې اخيستنې ته وسپارل شي .
په خبرپانه کې راغلي چې ولسمشر غني به د ستروسو له نندارتون څخه هم ليدنه وکړي.
له ولسمشر سره په دغه سفر کې د هغه لومړی مرستيال، د ملي امنيت سلاکار، د کابينې يو شمېر وزيران،د ملي شورا يو شمېر غړي او نور چارواکي ګډون لري .
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن