ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د زابل ارغنداب پر سيند پول جوړ شو

7 Mar 2021 - 16:43
7 Mar 2021 - 16:43

کابل (پژواک، ١٧ کب ٩٩): د زابل د خاک افغان ولسوالۍ په خرني کلي کې د ارغنداب پر سيند يو وسپنيز پول جوړ شو چې شاوخوا ۲۰زره کورنيو ته يې ګټه رسېږي.

د ټولګټو وزارت د کب په ١٧مه په خپره کړې خبرپاڼه کې راغلي، له دغه ۳۵ متره اوږده وسپنیز پله څخه به شاوخوا ۲۰زره کورنۍ ګټه اخلي او مرکز کلات ته يې د هغوی د ساعتونو لار دقيقو ته رالنډه کړې ده.

سرچينې زياته کړې چې یاد پول په درېيو مياشتو کې جوړ شوى او د سيمې د اوسېدونکو ستونزه يې هواره کړې ده.

د خاک افغان ولسوالۍ اوسېدونکو د دغه پله پر جوړېدو خوښي څرګنده کړې او د څو نورو ولسوالیو خلکو هم د ارغنداب پر پله د دې ډول پلونو جوړېدو غوښتنه کړې ده.

په خبرپاڼه کې راغلي چې د ټولګټو وزارت د خلکو غوښتنو ته د قدر په سترګه ګوري او له پلان او بودجې سره سم د هېواد په ګوټ ګوټ کې اړین پلونه او سړکونه رغوي څو خلکو ته د تګ راتګ اسانتیاوې رامنځته شي.

Hits: 207

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.