پلخمري (پژواک، ۷ کب ۱۴۰۰): د بغلان د فوايد عامې رياست مسوولين وايي چې د دغه ولايت د نهرين او بورکې ولسواليو ترمنځ د شپږ کيلومتره سړک د جغل اچونې چارې د يوې اوونۍ په اوږدو کې پاى ته ورسېدې.
د بغلان د ټولګټو چارو ریاست د اداري چارو مسوول بهیر شینواري د کب په ۷ مه پژواک اژانس ته وویل چې د نهرین او بورکې ولسوالیو ترمنځ د تاوه شخ کوتل سړک د جغل اچونې چارې پاى ته ورسېدې.
هغه وايي: ((له تېرو څوکلونو راهیسې د دغه سړک جوړونې ته پام نه و شوی، ولایت مقام د غوښتنې پر اساس د ټولګټو چارو ریاست په یوه اوونۍ کې د شپږ کیلو متره سړک هوارولو او جغل اچولو چارې پاى ته ورسولې.))
د نوموړي د معلوماتو له مخې، دغه سړک ډېر ويجاړ شوى و چې له امله يې هر عادي موټر پرې تګ راتګ نه شو کولاى او خلک له ستونزو سره مخ وو.
دغه راز د بورکې ولسوالۍ اوسېدونکي معلم نياز محمد پژواک ته وويل: ((دا سړک ډېر خراب و د ژمي په موسم کې پرې تګ راتګ ډېر مشکل و، خلک به په دې کوتل له موټر نه ښکته کېدل بيا به دوه يا درې کيلومتر په واورو کې پاى پياده تلل، خو اوس دغه سړک جوړ شوى او تر ډېره د خلکو مشکل حل دى.))
بورکه د مرکز پلخمري ختيځ لورته پرته ولسوالۍ ده چې د اوسېدونکو په وينا يې په تېرو ٢٠ کلونو کې يې سړکونه نه دي رغول شوي.
غړيYou need to subscribe to view the full article. Please login or register a new account.
