منځپانګې ته تلل
دوشنبه ۱۶ نومبر ۲۰۲۶ · کابل ۶:۵۶ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

د بغلان مدني فعالانې: حکومت دې ښځو ته د کار او زده کړو زمینه برابره کړي

· ۲ دقیقې لوستل · ۱۱۰ کتنې

پلخمري (پژواک، ١٧ کب ١٤٠٠): په بغلان کې لسګونو ښځینه مدني فعالانو له حکومته ښځو ته د کار او زده کړو د زمينې برابرولو غوښتنه وکړه.

دغه غونډه د بغلان په مرکز پلخمري کې د ښځو حقوق د اسلام له نظره تر سرليک لاندې جوړه شوې وه.

د غونډې د ګډونوالو له ډلې مدني فعالې زهرا کریمي وویل، خوشحاله ده چې له څو مياشتو وروسته، سره راټولېږي او د ښځو د حقونو په اړه خبرې کوي.

هغې د نوي حکومت له مسوولينو غوښتنه وکړه چې ښځو ته د زده کړو او کار کولو زمينه برابره کړي.

همدارنګه د بغلان ولايت د جندر برخې پخوانۍ مسوولې سارا رحماني وویل چې تر پخوا اوس ښځې د خونديتوب احساس کوي.

هغې هيله وښوده چې حکومتي مسوولين به ډېر ژر د ښځو د زده کړو او کار کولو لپاره زمينه برابره کړي.

په دې غونډه کې ګڼ شمېر نورو ښځو هم ورته څرګندونې وکړې.

په دې غونډه کې د بغلان د امر بالمعرف ادارې غړي مولوي محمد حسین وويل چې په اوسني نظام کې داسې څوک نشته چې د ښځو پر حقونو سترګې پټې کړي.

هغه وويل چې په يو شمېر سيمو د نجونو زده کړې پيل شوې او ټولو ښځو ته يې حقوق ورکوي کېږي خو يو شمېر کسان چې غربي مفکوره لري، هغه بايد پرېږدي.

د يادونې ده، د جمهوریت له ړنګېدو وروسته دا لومړی ځل دی چې ښځې په بغلان ولایت کې غونډه کوي.

غړي

You need to subscribe to view the full article. Please login or register a new account.

اړوند خبرونه

ټول ټولنه