ترینکوټ (پژواک، ۱ تله ۱۴۰۱): د اروزګان په مرکز ترینکوټ کې «اروزګان غږ کلنۍ مشاعره» وشوه چې د سیمهییزو چارواکو ترڅنګ په کې شاعرانو، نعتویونکو او نورو وګړو ګډون کړی وو.
مشاعره پرون د ماښام له لمانځه وروسته پيل شوه او د شپې تر ۱۱:۳۰ بجو یې دوام وکړ.
د مشاعرې په پیل کې د اروزګان والي مولوي محمد عليجان احمد په خپله وینا کې وویل، خوښ دی چې په لومړي ځل د «اسلامي امارت» تر سیوري لاندې په یوې کلنۍ مشاعرې کې ګډون کوي.
هغه زیاته کړه: «کلونه مخکې دلته تر همدغه عنوان لاندې داسې مشاعرې جوړېدلې چې اسلامي ارزښتونو او افغاني دود ته یې زیان اړاوه، ګډونکوونکي یې هغه کسان وو چې د شیطان ډله بلل کېدله، هغوی شیطاني افعال ترسره کول او له موزیک سره یې سندرې ویلې.»
والي له شاعرانو وغوښتل، داسې شعرونه ولیکي چې اسلامي او افغاني ارزښتونو ته په کې درناوی شوی وي.
له ویناوو وروسته، د مشاعرې برخه پیل شوه چې د مرکز ترینکوت ترڅنګ له ولسوالیو راغلو شاعرانو شعرونه او نعتویونکو نعتونه په کې واورول چې منځپانګه یې تر ډېره د حاکم نظام پر ملاتړ او ستاینه ور ټوله وه.
خو ځینو شاعرانو بیا د خپلو شعرونو په وسیله د نجونو د ښوونځیو د پرانیستلو غوښتنه هم وکړه.
له دغو شاعرانو یو هم احمدشاه جواد و چې په خپل شعر کې یې یادونه کړې وه، که نجونو ته د زدهکړې زمینه برابره شي نو ټولنه به پرمختګ وکړي او افغانستان به سیال هېواد شي.
له سیاسي تحول او اوسني سرپرست حکومت له راتلو وروسته دا لومړی ځل دی چې په اروزګان کې مشاعره جوړېږي.
غړيYou need to subscribe to view the full article. Please login or register a new account.
