امریکا کې د ډزو له امله د یوه پولیس افسر په ګډون پنځه کسان وژل شوي

کابل (پژواک، ۲۲ تله ۱۴۰۱): د اسوشيټډپرس د خبر له مخې، پرون د امریکا په شمالي کارولینا ایالت کې د ډزو په یوه پېښه کې د یوه پولیس افسر په ګډون، پنځه کسان وژل شوي او دوه نور ټپيان دي.

سرچینې د شمالي کارولینا مرکز «رالي» د ښاروال مري ان بالډوین له قوله ويلي چې پېښه د دغه ایالت په مرکز کې رامنځته شوې او له امله يې دوه کسان ټپيان شوي هم دي.

د رالي ښاروال ويلي: «موږ باید په امریکا کې د دا ډول بې‌معنا تاوتریخوالي مخه ونیسو، باید تاوتریخوالي ته د وسلې پرمټ رسېدنه وکړو.»

اسوشيټډپرس د دغه هېواد د پولیسو له قوله لیکلي چې د دې پېښې په تړاو یو ځوان هم نیول شوی دی.