ستره محکمه: د شرعي قبالو د وېش لړۍ به ژر پیل شي

کابل (پژواک، ۱۳ سلواغه ۱۴۰۱):  د استوګنیزو کورونو ځيني پلورونکي د پلور کمېدو او شرعي قبالو نه اجرا کېدو په اړه شکایت لري، خو ستر محکمه وایي چې کابینې د شرعي قبالو لایحه تصویب کړې  او ډېر ژر به عملي شي.

د کابل ښار یوولسمه ناحیه کې د ستاره اسیا معاملاتو لارښوونې دفتر مالک مایل فرزاد پژواک خبري اژانس ته وویل، دوه کاله کېږي چې شرعي قبالې نه اجرا کېږي او دغه کار يې د پېر او پلور پر کاروبار منفي اغېز کړی دی.

دغه راز د کابل ښار پنځلسمه ناحیه کې د بشري معاملاتو دفتر مالک عبدالمجید هم وویل، په تېر نظام کې د محاکمو او اراضي ادارې له خوا برېښنایي قبالې اجرا کېدې، خو د اسلامي امارت له واکمنېدو وروسته دغه کار درېدلې دی.

نوموړي وویل، حکومت باید شرعي قبالې اجرا کړي څو له یوې خوا د خلکو ستونزې هوارې شي او له بلې خوا د حکومت عواید ډېر شي.

login or register a new account.