فیضاباد (پژواک، ۱۷ وری ۱۴۰۲): د بدخشان د اطلاعاتو او کلتور ریاست مسوولین وایي، په دغه ولایت کې د «بانوان» راډیو چې یوه اونۍ مخکې تړل شوې وه، بېرته خپلې خپرونې پیل کړې دي.
د دغه ولایت د اطلاعاتو او کلتور رییس معزالدين احمدي د وري په ۱۷مه پژواک خبري اژانس ته وویل چې دغه راډیو یوه اونۍ مخکې د اسلامي امارت پالیسۍ خلاف خپرونو له امله تړل شوې وه چې نن يې د مسوول مديرې له خوا له ژمنې وروسته خپلې خپرونې بېرته پیل کړې.
د يادې راډیو مسوولې ناجيه سروش د اسلامي امارت پالیسۍ خلاف خپرونې مني او وایي، د دوی د همکارانو له خوا په اشتباهي توګه موسيقي خپره شوې وه چې له دې وروسته به بیا تکرار نه شي.
Visits: 148
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن