ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

امریکا او متحده عربي امارات پر افغانستان خبرې کړې

امریکا او متحده عربي امارات پر افغانستان خبرې کړې

author avatar
9 Jun 2023 - 04:44
امریکا او متحده عربي امارات پر افغانستان خبرې کړې
author avatar
9 Jun 2023 - 04:44

اټلانټا (پژواک، ۱۹ غبرګولی ۱۴۰۲): افغانستان لپاره د امریکا ځانګړي استازي ټام ویسټ د متحده عربي اماراتو د ولسمشر له سلاکار سره د افغانستان په اړه خبرې کړې دي.

ویسټ تېره شپه ناوخته په یوه ټویټ کې لیکلي، په دوبۍ کې یې د اماراتو د ولسمشر له سلاکار انور قرقاش سره په لیدنه کې په افغانستان کې د ګډو ګټو په اړه خبرې وکړې.

هغه زیاته کړې، د افغان ښځو او نجونو حقونو ته په خپلو تعاملاتو کې د لومړیتوب ورکولو لپاره د متحده عربي اماراتو د اصولي مشرتابه ستاینه کوي.

ویسټ د افغانانو ملاتړ لپاره د متحده عربي اماراتو او متحده ایالتونو د همکارۍ د دوام هیله څرګنده کړې ده.

د یادونې ده، نوموړي تر دې مخکې په لندن کې د بریتانیا له چارواکو سره هم د افغانستان په اړه خبرې کړې وې.

Views: 126

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.