فراه کې له نږدې پنځه زره کورنیو سره مرستې وشوې

کابل (پژواک، ۱۲ غویی ۱۴۰۳): سیمه‌ییز مسوولین وایي، د فراه ولایت په ګلستان او پشت‌رود ولسوالیو کې له څه باندې ۴۷۰۰ کورنیو سره د خوراکي توکو مرستې وشوې.

د فراه د اطلاعاتو او فرهنګ ریاست په خبرپاڼه کې راغلي چې د دغه ولایت په ګلستان ولسوالۍ کې له ۲۰۴۸ کورنیو سره د خوراکي توکو مرسته وشوه.

دغه راز د فراه د کلیو بیارغونې او پراختیا ریاست په خبرپاڼه کې هم راغلي چې د دغه ولایت په پرچمن ولسوالۍ کې له ۲۷۴۶ کورنیو سره مرستې وشوې.

یادې مرستې د ملګرو ملتونو د خوړو نړۍوال پروګرام په مالي ملاتړ شوي او هرې کورنۍ ته اوړه، غوړي، دال او یوه اندازه د ماشومانو تقویتي خواړه ورکړل شوي دي.