<p style="text-align: justify;">کابل (پژواک، ۱۸ تله ۱۴۰۳): د ملګرو ملتونو د بشري مرستو د همغږۍ دفتر (اوچا) وايي، افغانستان کې راتلونکي ژمي کې د اړینو بېړنیو مرستو لپاره ۶۰۳.۵ میلیون امريکايي ډالرو ته اړتیا لري.</p>
<p style="text-align: justify;">اوچا د یوې اعلامیې په خپرولو سره ویلي، اټکل کېږي چې راتلونکی ژمی به د معمول په پرتله ډېر سوړ وي.</p>
<p style="text-align: justify;">سرچینه زیاتوي، یادو پیسو ته اړتیا ده تر څو پر مټ یې سرپناوې ورغول شي او اړو کسانو ته تودې جامې او کمپلې وپېرل شي.</p>
<p style="text-align: justify;">په اعلاميه کې راغلي چې یادې چارې باید د ۲۰۲۴ کال د وروستۍ ربعې له پای ته رسېدو مخکې بشپړې شي.</p>
<p style="text-align: justify;">سرچینه زیاتوي، له یادو پیسو به ۱۰۴ میلیونه ډالر د خوړو او نورو معیشیتي مرستو لپاره ځانګړي شي او دغه چاره به د ۲۰۲۵ کال په لومړۍ ربع کې ترسره شي.</p>
