<p style="text-align: justify;">کابل (پژواک، ۲ چنګاښ ۱۴۰۴): د راپورونو له مخې، د سوریې په پلازمېنه دمشق کې په یوه کلیسا کې د یکشنبې ورځې برید له امله ۲۰ کسان وژل شوي او لږ تر لږه ۵۲ نور ټپیان دي.</p>
<p style="text-align: justify;">رویټرز نن په یوه <strong><a href="https://www.reuters.com/world/middle-east/blast-rocks-church-syrias-damascus-witnesses-say-2025-06-22/">راپور</a> </strong>کې ویلي چې د یکشنبې په ورځ د سوریې د پلازمېنې دمشق د «مار الیاس» په کلیسا کې د پروني برید له امله لږ تر لږ ۲۰ کسان وژل شوي او ۵۲ نور ټپیان دي.</p>
<p style="text-align: justify;">په راپور کې د سوریې د کورنیو چاور وزارت له قوله لیکل شوي: «ځانمرګی بریدګر د اسلامي دولت غړی و، هغه کلیسا ته ننوت، ډزې یې وکړې او بیا یې خپل له چاودېدونکو توکو ډک واسکټ ته چاودنه ورکړه.»</p>
<p style="text-align: justify;">د سرچینې د معلوماتو له مخې، د بشارالاسد د حکومت له نسکورېدو وروسته دا په دمشق کې «لومړی ځانمرګی برید» دی چې ترسره کېږي.</p>
