کابل (پژواک، ۲ چنګاښ ۱۴۰۴): د راپورونو له مخې، د سوریې په پلازمېنه دمشق کې په یوه کلیسا کې د یکشنبې ورځې برید له امله ۲۰ کسان وژل شوي او لږ تر لږه ۵۲ نور ټپیان دي.
رویټرز نن په یوه راپور کې ویلي چې د یکشنبې په ورځ د سوریې د پلازمېنې دمشق د «مار الیاس» په کلیسا کې د پروني برید له امله لږ تر لږ ۲۰ کسان وژل شوي او ۵۲ نور ټپیان دي.
په راپور کې د سوریې د کورنیو چاور وزارت له قوله لیکل شوي: «ځانمرګی بریدګر د اسلامي دولت غړی و، هغه کلیسا ته ننوت، ډزې یې وکړې او بیا یې خپل له چاودېدونکو توکو ډک واسکټ ته چاودنه ورکړه.»
د سرچینې د معلوماتو له مخې، د بشارالاسد د حکومت له نسکورېدو وروسته دا په دمشق کې «لومړی ځانمرګی برید» دی چې ترسره کېږي.
هجرتالله کاکړ
