د ملي دفاع وزیر د هېواد ختیځ کې د زلزلهځپلو د ژغورنې برخه کې د دغه وزارت اړوند د ژغورونکو ټیمونو ستاینغونډه کې ویلي چې د هېواد هوايي او پلي ځواکونه د خلکو په خدمت کې دي او په هر ډول حالاتو کې به رسېدنه ورته کوي.
د ماشومانو ژغورنې سازمان ویلي، اټکل کېږي چې د افغانستان په ختیځو زلزلهځپلو سیمو کې له پنځو کلونو کمعمره شاوخوا ۳۷ زره ماشومان او لس زره امیندوارې او شیدې ورکوونکې میندې له شدیدې خوارځواکۍ سره مخ وي او د روغتیايي مرکزونو زیانمنېدو دا وضعیت لا خراب کړی دی.
بغلان کې ځايي سرچینې وايي چې د دغه ولایت د خوست او جلګې ولسوالیو ترمنځ پر لاره د یوې ترافیکي پېښې له امله ۹ کسانو ژوند بایللی او ۷ نور ټپیان شوي دي.
په افغانستان کې د ملګرو ملتونو د مرستندویه پلاوي دفتر (یوناما) وایي چې ملګرو ملتونو د هېواد په ختیځو ولایتونو کې د زلزلهځپلو د بېړنیو اړتیاوو پوره کولو لپاره له نړۍوالې ټولنې د نږدې ۱۴۰ میلیون ډالرو غوښتنه کړې ده.
د بادغېس امنیه قومانداني وايي چې د دغه ولایت په مرکز قلعهنو ښار کې د یوې ترافیکي پېښې له امله یوه کس ژوند له لاسه ورکړی او پنځه نور ټپيان شوي دي.
د هېواد په ختیځ کې د وروستۍ زلزلې له زیانمنو سره د ملي او نړۍوالو مرستو په دوام، تاجکستان، سویس او عزیزي خیریه بنسټ خپلې بشري مرستې لېږلې او قطر په سیمه کې د بېړنیو روغتیایي خدمتونو وړاندې کولو لپاره یو ګرځنده روغتون رامنځته کړی دی.
د روسیې د بېړني حالت وزارت اعلان کړی چې دغه هېواد د افغانستان ختیځ کې زلزلهځپلو ته د بشري مرستو دویمه کڅوړه لېږلې ده.
غزني کې ځایي مسوولین وایي چې نن سهار د دغه ولایت د مرکز مربوطاتو کې د یوې ترافیکي پېښې له امله د ښځو او ماشومانو په ګډون د یوې کورنۍ شپږو غړو ژوند له لاسه ورکړی او یو بل کس پټي دی.
د غزني امنیه قومانداني وایي چې د دغه ولایت د واغظ او اببند ولسوالیو مربوطاتو کې د دوو جلا ترافیکي پېښو له امله یوې ښځې ژوند له لاسه ورکړی او څلور نور کسان ټپیان شوي دي.
د راپورونو له مخې، اوزبېکستان او متحده عربي اماراتو د افغانستان په ختيځو ولایتونو کې له زلزلهځپلو سره څه باندې ۳۰۰ ټنه د خوراکي او غیرخوراکي توکو مرسته وکړه.
د اوبو او انرژۍ وزارت وايي چې د هېواد په یو شمېر ولایتونو کې د نسبتاً سختو ورښتونو، سېلابونو راتلو او په دوو راتلونکو ورځو کې د کابل سیندیزه حوزه کې د سیندونو اوبو لوړېدو اټکل شوی دی.
د ملګرو ملتونو د سرمنشي ویاند اسټيفان دوجاریک وایي چې د بشري مرستو د همغږۍ اداره (اوچا) د افغانستان په ختیځ کې د زلزلهځپلو لپاره لس میلیون ډالر ځانګړي کړي دي.
سیمهییزې سرچینې وايي چې په ننګرهار او لغمان ولایتونو کې د تېرې شپې زلزلې له امله ۳۱ کسان ټپیان شوي او خلکو ته مالي زیانونه هم اوښتي دي. تېره شپه شاوخوا لس بجې د ریښتر…
د افغانستان په ختیځ کې د زلزلهځپلو لپاره د جاپان د غیرخوراکي توکو مرسته کابل ته رارسېدلي او روسيې هم له دغو زلزلهځپلو سره د مرستې لپاره ۲۰ ټنه خوراکي توکي را استولي دي.
له پېښو سره د مبارزې د چمتووالي ملي اداره وایي، د هېواد په یو شمېر ولایتونو کې د تېرې شپې زلزلې له امله تراوسه د مرګژوبلې پېښه نه ده ثبت شوې خو په کونړ او ننګرهار کې یې مالي زیانونه اړولي دي.
د ا.ا مرستیال ویاند وایي، په زلزلهځپلو سيمو کې نن هم د ژغورنې عملیات روان و؛ د کونړ په زلزله کې تردې دمه د شهیدانو شمېر ۲۲۰۵ او د ټپیانو شمېر ۳۶۴۰ کسانو ته لوړ شوی دی.
د پروان امنیه قومانداني وايي، په سوېلي سالنګ کې د یوه کرولا موټر چپه کېدو له امله یوې ښځې ژوند له لاسه ورکړی او د موټر د چلوونکي په ګډون درې نور کسان ټپیان شوي دي.
د راپورونو له مخې، د اسټرالیا او ایرلنډ حکومتونو اعلان کړی چې د افغانستان په ختیځ کې له زلزلهځپلو سره څه باندې ۱.۵ میلیون ډالر مرسته کوي.
د روغتیا نړۍوال سازمان خبرداری ورکړی چې د دغه سازمان په بودجه کې د څه باندې څلور میلیون ډالرو کمښت کولای شي د افغانستان په ختیځ کې زلزلهځپلو ته د مرستو رسولو بهیر ټکنی کړي؛ په داسې حال کې چې زرګونه بېځایه شوې کورنۍ د روغتیايي خدمتونو او د اړتیا وړ بېړنیو توکو له نشتوالي سره مخ دي.
د قطر د بشري مرستو څلور الوتکې کابل ته رارسېدلې او د افغانستان په ختیځ کې له زلزلهځپلو سره د مرستې لپاره یې دوه ګرځنده روغتونونه، درمل، خوراکي او د سرپناه اړين توکي راوړي دي.
د اسلامي امارت مرستیال ویاند وایي چې ختیځو ولایتونو کې د زلزلې له امله د مرګژوبلې شمېر لوړ شوی خو ځینو غیرمسوولو کسانو دغه شمېر ډېر لوړ ښودلی چې حقیقت نه لري.
د ا.ا مرستیال ویاند وایي، په زلزلهځپلو سيمو کې نن هم د ژغورنې عملیات روان و؛ د کونړ په زلزله کې تردې دمه د مړو شمېر ۱۴۵۷، د ټپیانو ۳۳۹۴ او د ویجاړشوو کورونو شمېر ۶۷۸۲ ثبت شوی دی.
د ترانسپورټ او هوايي چلند وزارت سبا د هېواد په ۱۲ ولایتونو کې د سختو ورښتونو، تالندې او برېښنا او سېلابونو راوتلو د احتمال خبر ورکړی دی.
په افغانستان کې د ملګرو ملتونو د مرستندویه پلاوي دفتر (یوناما) وايي چې ملګرو ملتونو تر اوسه د هېواد په ختیځ ولایتونو کې له زلزلهځپلو سره د مرستې لپاره پنځه میلیون امریکايي ډالر ځانګړي کړي…
