چاپېريال ساتنه

د چاپېریال ساتنې ملي ادارې رییس په افغانستان کې د سره صلیب فدارسیون له استازي سره له نړۍ‌والو غوښتنه کړې چې چاپېریالي موضوعات دې نه سیاسي کېږي او د څه ‌باندې ۸۰۰ میلیون ډالرو په ارزښت د دې ادارې د ۳۲ ځنډول شوو چاپېریالي پروژو کارې دې بېرته پیل شي.

د کونړ چاپېریال‌ساتنې ریاست په دغه ولایت کې د ښوونځیو او دیني مدرسو زده‌کوونکو ته د اقلیمي بدلونونو او چاپېریال‌ساتنې ارزښت په تړاو د عامه پوهاوي کمپاین پيل کړی دی.

د ننګرهار کرنې او مالدارۍ رياست وایي، د دغه ولایت په کوز کونړ ولسوالۍ کې يې پر ۶۰ هکټاره ځمکه د بېرو مصنوعي ځنګل جوړ کړی چې حاصل ته نږدې شوی دی.

بامیان کې ځايي مسوولین وايي، د دغه ولایت په یکاولنګ نمبر۱ ولسوالۍ کې د مرغانو د ښکار په تور درې کسان نیول شوي دي.

د کونړ د کرنې ریاست مسوولین وایي، تېرو شاوخوا درېیو کلونو کې د ځينو موسسو په مرسته د دغه ولایت په یو شمېر ولسوالیو کې نږدې ۳۰۰۰ هکټاره ځنګلونه بیا احیا شوي دي.

ننګرهار کې مسوولین وایي چې په دغه ولايت کې یې د وحشي ژوو او مرغانو پر ښکار بنديز لګولی او که هر څوک سرغړونه وکړي قانوني چلند به ورسره وشي.

د اوبو او برېښنا وزارت وايي چې د روانې میاشتې له ۲۸مې تر ۳۰مې د کابل او هلمند سیندیزو حوزو کې د نسبتاً سختو ورښتونو او سېلابونو راتلو اټکل شوی دی.

د چاپېریال‌ساتنې ملي اداره وايي، ۲۱ میلیون افغانان د اقليمي بدلونو له ‌امله د څښاک پاکو اوبو ته لاسرسی نه‌ لري او په تېر یوه کال کې د امنیتي ارګانونو په همکارۍ د څه باندې ۱۷ زره بېلابېل ډول مرغانو او وحشي ژوو د قاچاق مخه نیول شوې ده.

د فراه ښاروالۍ او خلکو له لوري د فراه ښار د پاکولو عمومي حشر ترسره شو.

د افغانستان د ترانسپورټ او هوايي چلند وزارت د هوا پېژندنې ریاست د هېواد په شپږو ولایتونو کې د سختو ورښتونو او له امله یې د سېلابونو راوتلو اټکل کړی دی.

د چاپېریال ساتنې ملي ادارې رییس وایي چې هېوادونه دې د اقلیم بدلون او چاپېریال لپاره نړۍوالو مالي سرچینو ته د دې ادارې د لاسرسي پر وړاندې خنډونه او محدودیتونه لرې کړي.

د خوست د کرنې، اوبو لګولو او مالدارۍ رياست مسوولين وايي چې په دغه ولایت کې يې په تېر يو کال کې شاوخوا زر هکتاره ځنګلونه بيا احيا کړي دي.